Friday , March 29 2024
dead gun

Kawatan na miyembro ng criminal gang, patay sa engkuwentro

ISANG armadong kawatan ang napatay matapos makipagbarilan sa pulisya sa engkuwentrong naganap sa Pulilan, Bulacan, kamakalawa ng gabi.

Ayon kay Police Colonel Charlie Cabradilla, acting provincial director ng Bulacan PPO, dakong alas-11:00 ng gabi, ang mga tauhan ng Pulilan Municipal Police Station (MPS) ay rumisponde sa ulat na may nagaganap na insidente ng nakawan sa Brgy. Taal, Pulilan, Bulacan.

Sinasabing tumakas ang suspek na tangay ang kinulimbat na cash at ginamit pa sa pagtakas ang motorsiklo ng biktima.

Sa inilatag na hot pursuit operation, isang indibiduwal na tumutugma sa deskripsiyon ng suspek at ng motorsiklo ng biktima ang pinahinto ng mga police officers sa Lumbac, Pulilan.

Sa halip na huminto, ang suspek ay bumunot ng baril at pinaputukan ang mga police officers na kaagad namang nagsipagkubli.

Dito napilitan ang mga awtoridad na gumanti ng putok na nagresulta sa pagkamatay ng suspek.

Narekober sa crime scene ang isang Para Ordnance Cal.45 pistol na kargado ng bala, isang Yamaha Nmax motorcycle, belt bag na naglalaman ng pera na halagang PhP1, 570.00.00, ID ng biktima at pakete ng shabu na tumitimbang ng 20 gramo at tinatayang may DDB value na PhP136, 000.00.

Sa isinagawang imbestigasyon ay nakilala kalaunan ang suspek na si Brian Victorino, 25-anyos, na residente ng Longos, Pulilan, Bulacan na nakapangalan bilang bagong miyembro ng Serano Criminal Gang, na nag-o-operate sa Pulilan at mga kanugnog bayan. (MICKA BAUTISTA)

About Micka Bautista

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …