Tuesday , August 9 2022
Raphael Perpetuo Lotilla DoE

Lotilla bilang energy chief ‘tinitimbang’ ng Palasyo

‘TINITIMBANG’ ng Malacañang kung uubra sa batas ang pagtalaga kay Atty. Raphael Perpetuo Lotilla bilang kalihim ng Department of Energy (DOE) dahil kailangan klaro ang kanyang employment status.

Kahit personal choice ni Pangulong Ferdinand Marcos, Jr., si Lotilla para pamunuan ang DOE, inilinaw ng Palasyo na nominasyon pa lang ang ginawa ng Punong Ehekutibo para sa kanya.

Ayon kay Press Secretary Trixie Cruz-Angeles, si Lotilla ay kasalukuyang independent director ng Aboitiz Power Corporation at ng ACE Enexor.

Tinukoy ni Cruz-Angeles ang Section 8 ng  Republic Act No. 7638 o Act Creating the Department of Energy na “No officer, external auditor, accountant, or legal counsel of any private company or enterprise primarily engaged in the energy industry shall be eligible for appointment as Secretary within two years from his retirement, resignation, or separation therefrom.”

Dahil dito, nirerepaso aniya kung maituturing na opisyal ng kompanya ang isang independent director.

Samantala, pangungunahan ni Pangulong Marcos Jr., ‘virtually’ang ikalawang cabinet meeting ng kanyang administrasyon.

Nasa ika-limang araw sa isolation si FM Jr., mula nang magpositibo sa CoVid-19 noong nakalipas na Biyernes. (ROSE NOVENARIO)

About Rose Novenario

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …