Monday , August 8 2022
Sa Sta. Cruz, Laguna KARPINTERO TIMBOG SA BUYBUST OPERATION

Sa Sta. Cruz, Laguna
KARPINTERO TIMBOG SA BUYBUST OPERATION

NADAKIP ng mga awtoridad ang dalawang hinihinalang mga tulak ng ilegal na droga sa ikinasang magkahiwalay na buy bust operation sa bayan ng Sta. Cruz, lalawigan ng Laguna, nitong Miyerkoles, 6 Hulyo.

Iniulat ni Laguna PPO Acting Provincial Director P/Col. Cecilio Ison, Jr., kay CALABARZON Regional Director P/BGen. Antonio Yarra, ang pagkakaaresto sa dalawang suspek sa isinagawang buy bust operations ng Sta. Cruz MPS.

Sa direktang pangangasiwa ni P/Lt. Col. Paterno Domondon, Jr., hepe ng Sta. Cruz MPS, nasukol ang suspek na kinilalang si Arnold Siscar, 46 anyos, karpintero, at residente sa Brgy. Sto. Angel Central, sa naturang bayan dakong 8:00 pm kamakalawa sa nabanggit na barangay.

Nakompiska ng Drug Enforcement Unit ang anim na sachet ng hinihinalang shabu, tinatayang may timbang na 1.2 gramo at nagkakahalaga ng P8,160; isang plastic case; at buy bust money.

Gayondin, arestado ang suspek na kinilalang si Ronaldo Bagayawa, 38 anyos, walang trabaho, at residente sa Sitio Maunawain, Brgy. Duhat, Sta. Cruz dakong 5:30 pm kamakalawa sa Sitio Ilaya, Brgy. Gatid, sa naturang bayan.

Nakompiska mula sa suspek ang tatlong sachet ng hinihinalang shabu na tinatayang may timbang na isang gramo at nagkakahalaga ngP6,800; isang pirasong sigarilyo; at buy bust money.

Kasalukuyang nasa kustodiya ng Sta. Cruz MPS ang mga naarestong suspek at nakatakdang sampahan ng kasong paglabag sa RA 9165 o Comprehensive Dangerous Drug Act of 2002 habang isusumite sa Laguna Provincial Forensic Unit ang mga nasamsam na ebidensiya para sa pagsusuri.

Pahayga ni P/BGen. Antonio Yarra, “Pinupuri ko ang Sta. Cruz MPS para sa operasyong ito. Patuloy nating pinaiigting ang ating anti-illegal drug operations para makontrol ang paglaganap ng mga mapanganib na droga sa ating area of ​​responsibility.” (BOY PALATINO)

About Boy Palatino

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …