Tuesday , March 19 2024
Alfred Vargas Family

Rep Alfred Vargas sulit ang pag-iwan sa showbiz

SHOWBIZ KONEK
ni Maricris Valdez Nicasio

EMOSYONAL ang pagbibigay-pugay ni Quezon City Rep Alfred Vargas sa kanyang mga constituent sa 5th district ng Quezon City sa State of the District Address (SODA) niya bilang hudyat ng pagtatapos ng kanyang three term tenure.

Binalikan ng dating kongresista ang naging journey niya bilang legislator at ang mga nagawa niya sa tatlong termino niya sa Kongreso para sa kanyang mga constituent.

Mula nang iwan niya ang mundo ng showbiz para magsilbi sa mga kababayan niya sa Quezon City ay napakarami nang nagbago sa kanyang personal na buhay at sa napili niyang karera.

Kahit na ilang taon na ang lumipas, sariwa pa rin sa isip niya ang kanyang “humble beginnings” sa politika bilang “actor-turned-bagito councilor” sa Quezon City Council noong 2010.

Maayos at very promising naman ang ating buhay noon sa pelikula at telebisyon. Ngunit sa pinakamahirap na desisyon ng aking buhay noon, lahat ng ito ay ating tinalikuran dahil mas mahal natin ang ating bansa kaysa sarili at personal nating mga pangarap,” ani Alfred.

Iginiit din niya ang kanyang  paniniwala sa kasabihang, “Bayan bago sarili.”

Malinaw sa akin ‘yan noon pa man. Kaya iniwan natin ang showbiz para sa paglilingkod sa kapwa. At dito nagsimulang mas maging makabuluhan ang aking buhay,” anang aktor.

Bilang councilor noon, isa sa mga nagawa niya ay ang pagpapatayo ng Quezon City Persons with Disability Affairs Office (PDAO).

At bilang first Representative ng Fifth District (14 barangay sa Novaliches) mula noong 2013, nakapagpasa na siya ng 1,256 house bills and resolutions, at 87 dito ay naisabatas na.

Dahil sa kanyang mga nagawa bilang mambabatas at public servant, binigyan siya ng Congressional Medal of Distinction sa naganap na “adjournment of the 18th Congress.”

Sinabi pa ni Alfred, “Sa kabila ng dami ng napagpunyagian natin sa Kongreso, kahit sandali ay hindi natin nagawang talikuran ang mga tungkulin para sa ating distrito.”

At ngayong nagbabalik na siya bilang miyembro ng Quezon City Council, tiniyak niya sa kanyang mga constituent na lahat ng nasimulan niya ay ipagpapatuloy ng kanyang kapatid na si Representative-elect PM Vargas.

Sa pagtatapos ng ating termino bilang kauna-unahang congressman ninyo, kampante ako na lalo nating patitibayin ang nabuo nating samahan. Nasa mabuting kamay ang ating distrito kay Congressman-elect PM Vargas,” aniya pa.

Pinasalamatan din niya ang kanyang pamilya sa kanyanf huling SODA ang asawang si Yasmine at mga anak na sina Alexandra, Aryana, at Cristiano.

Sa harap ng buong Distrito ngayon, gusto kong sabihin sa inyong lahat na si Yasmine ang isa sa mga haligi ng aking pagkatao at nagbigay sa akin ng lakas nitong buong 12 years para makapaglingkod nang tapat at masigasig sa inyong lahat,” sambit pa ni Alfred na maganda rin ang naging aksyon sa paglaban ng bansa sa COVID-19 pandemic.

Mensahe pa niya sa kanyang mga nasasakupan at sa lahat ng mga Filipino, “Help others along the way. Sa ganitong paraan, kung tayong lahat na mamamayan ay gagawin ito, magiging mas kaaya-aya ang ating mundo. Yan ang tatak Novalenyo.”

About Maricris Valdez Nicasio

Check Also

Repakol Siakol

Repakol handang-handa na para sa US tours

HANDANG-HANDA na para sa kanilang US Tour, Tropa North Bound Tour ang bandang Repakol (Siakol) sa Abril, Mayo, at …

Nadine Lustre Pia Wurtzbach

Nadine bumida sa Bulgari Studio Event

MATABILni John Fontanilla AGAW-EKSENA si Nadine Lustre nang dumalo sa Bulgari Studio Event na ginanap sa Seoul South Korea …

Ysabelle Palabrica Vehnee Saturno

Newbie singer na si Ysabelle ire-revive Kaba ni Tootsie

RATED Rni Rommel Gonzales ANAK ni Bingawan City (of Iloilo) Mayor Mark Palabrica ang newbie female singer …

Dingdong Dantes Marian Rivera  My Guardian Alien Family Feud

My Guardian Alien cast magbabakbakan sa Family Feud

I-FLEXni Jun Nardo BUWENA-MANO na guest ang cast ng GMA series na My Guardian Alien sa second anniversary ng Family …

Martin Nievera Vicor Music Viva

Tell Me ni Joey Albert bubuhayin ni Martin, umpisa ng mas magarbong career

I-FLEXni Jun Nardo BINALIKAN ni Martin Nievera ang ugnayan niya sa Vicor Music at Viva nang muli siyang pumirma ng kontrata …