Monday , August 8 2022

 ‘Vape bill’ pekeng malasakit sa health ibasura

062922 Hataw Frontpage

‘FAKE health act’ ang kontrobersiyal na Vape Bill, kung kaya’t dapat itong i-veto ni Pangulong Rodrigo Duterte bago matapos ang kanyang termino sa 30 Hunyo 2022.

Ito ang nagkakaisang posisyon nina Senadora Pia Cayetano at isang grupo ng mga doktor na mariing tumututol sa pagsasabatas ng naturang panukala.

Nauna rito, kinastigo ni Cayetano ang aniya’y ‘last-minute transmittal’ ng Kamara ng enrolled copy ng Vape Bill sa tanggapan ng Pangulo. 

Aniya, ang opisyal na submisyon sa Malacañang ay naganap noon lamang Biyernes, Hunyo 24, bagama’t limang buwan na ang lumipas mula nang ipasa ng Senado at Kamara ang bicameral version ng Vape Bill noong 26 Enero.

Para umanong sinadya ito, ayon sa senadora, para ‘di na mapag-aralang mabuti ng papalabas na administrasyon ang kontrobersiyal na panukala.

“Kahit maikli na lang ang nalalabing panahon sa panunungkulan ni Pangulong Duterte, umaasa ako na hanggang sa huling saglit ay maninindigan siya para sa kalusugan ng mga Filipino. Mahal na Pangulo, please veto the Vape Bill,” apela ni Cayetano.

Dagdag ni Dra. Maricar Limpin, pangulo ng Philippine College of Surgeons, nagpapanggap na ‘pro-health’ ang Vape Bill dahil ang totoo’y pahihinain nito ang mga regulasyon ng pamahalaan patungkol sa e-cigarettes at vapes sa ilalim ng Sin Tax Law.

Paliwanag ng doktora, tatanggalin ng Vape Bill ang regulatory authority sa e-cigarettes mula sa Food and Drug Administration (FDA) at ililipat ito sa Department of Trade and Industry (DTI), kung kaya’t mawawalan ng ngipin ang gobyerno para epektibong mabantayan ang banta sa kalusugan ng naturang mga produkto. 

Ayon kay Limpin, ibababa ng Vape Bill ang age of access sa e-cigarettes mula sa kasalukuyang 21 anyos tungo sa 18 anyos . 

Bukod dito, pahihintulutan ng Vape Bill ang pagbebenta ngiba’t ibang vape flavors. Ito’y taliwas sa kasalukuyang regulasyon na naglilimita lang sa dalawang flavors: plain menthol at plain tobacco.

Samantala, sinabi ni Dra. Riza Gonzalez, chairperson ng Philippine Pediatric Society Tobacco Control Advocacy Group, mga kabataang Filipino ang tunay na target market ng Vape Bill, kung kaya’t dapat lang itong i-veto ng Pangulo. 

“FDA ang dapat ang maging regulatory body, at dapat ma-implement ang flavor restrictions na attractive sa mga bata,” diin pa nya. 

Para kay Dr. Ulysses Dorotheo, Executive Director ng Southeast Asia Tobacco Control Alliance, Filipinas na lang ang tanging bansa sa rehiyon na hindi health department ang nangangasiwa sa regulasyon ng sigarilyo at tobacco products.

Kung kaya’t sang-ayon sa pinakahuling desisyon ng Korte Suprema na inilabas noong Hunyo, pumapabor sa FDA bilang regulator sa aspektong pangkalusugan ng sigarilyo. 

Diin ni Dr. Dorotheo, pinalalakas ng Supreme Court decision ang panawagan ng medical associations at health advocates na i-veto ang Vape Bill. (NINO ACLAN)

About Niño Aclan

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …