Monday , August 8 2022
Sanya Lopez

Sanya sa pagiging reyna ng GMA — Marami pa akong dapat i-improve

RATED R
ni Rommel Gonzales

MULA noong magsimula sa pag-aartista si Sanya Lopez, Kapuso na ito at hindi na umalis. Rason niya, sobra-sobra magmahal ang GMA.

Siyempre po, masarap maging loyal sa isang estasyon na sobra ang pagmamahal na ibinibigay sa ‘yo. Sila po ang rason kaya may napapanood po silang Sanya Lopez ngayon.

“Utang na loob ko sa GMA ang unang mga break na ibinigay po nila sa akin sa showbiz,” ani Sanya nang makapanayam namin ito via e-mail.

Isa ring Sparkle artist si Sanya at natanong namin ito kung ano ang nakita ng management sa kanya para kunin siya bilang artist ng Sparkle?

“Siguro ang dedikasyon ko sa bawat trabahong ibinibigay po nila sa akin. Ibinibigay ko kasi ang best ko sa bawat role na napupunta sa akin at pinaghahandaan ko rin itong mabuti.”

May dream role ba si Sanya? Ano at bakit?

“Mayroon po, ‘yung heavy acting talaga.

“Either tungkol sa mga taong mentally incapacitated or may malalang sakit.

“Para hindi lang masubukan dito ang kakayanan ko pa sa acting kundi para ma-explore ko kung anong buhay mayroon talaga sila, kung ano ang iniisip nila at ano pakiramdam ng isang taong may malubhang karamdaman.”

Bida si Sanya sa top-rating GMA series na First Lady na napapanood weeknights. Isinunod na tanong naman sa dalaga ay kung nakikita ba niya ang sarili na magiging  First Lady o tatakbo sa politika?

“Hindi ko pa po masabi ‘yan ngayon.

“Para kasing mahirap pumasok sa politics. At dapat malawak ang experience mo pagdating sa politika. Pero sa ngayon ‘di ko pa siya nae-entertain sa mind ko.

“Kung sa pagiging first lady naman, hindi ko rin alam eh. Kung may magkamali po na ligawan ako ng isang magiging presidente natin someday why not po,” at tumawa si Sanya.

Isa na si Sanya sa mga itinuturing na reyna ng GMA, ano ang masasabi niya sa achievement niyang ito?

“Actually hindi ko pa siya talaga naiisip, na reyna ng GMA. Sa tingin ko po marami pa talaga akong dapat pang i-improve. Malayong-malayo pa rin ako sa mga tunay na reyna po rito sa GMA.

“Pero I’m very happy sa mga nakaa-appreciate ng lahat ng ginagawa ko rito sa GMA. Pati na rin sa mga viewer na napapasaya ko, nakakataba talaga ng puso.”

About Rommel Gonzales

Check Also

Tommie Mopia Gawad America award

US base entrepreneur/producer Tommie Mopia Gawad America awardee

RATED Rni Rommel Gonzales IPINANGANAK at lumaki sa Pilipinas, sa Iloilo, si Tommie Mopia at nag-migrate sa …

Bianca Umali Ruru Madrid

Ruru nanghinayang, Bianca mag-isang rumampa

RATED Rni Rommel Gonzales KAHIT hindi nakadalo si Ruru Madrid sa GMA Thanksgiving Gala noong July 30, inihayag ng …

Tonton Gutierrez Gil Cuerva Gabby Garcia Khalil Ramos

Tonton natameme sa galing ni Gil Cuerva

COOL JOE!ni Joe Barrameda REVELATION si Gil Cuerva huh. Nahasa na sa galing umarte.  Dati walang kalatoy-latoy …

Mikee Quintos Lianne Valentin

Mikee natatalbugan ng kontrabida

COOL JOE!ni Joe Barrameda Kung sa seryeng Lolong ay marami ang sumusubaybay sa Primetime ng GMA, ang Apoy Sa …

Rob Guinto Purificacion

Rob Guinto ‘di lang paghuhubad na-challenge rin sa Purificacion

ALAM MO NA!ni Nonie Nicasio ISA si Rob Guinto sa tampok sa pelikulang Purificacion na …