RATED R
ni Rommel Gonzales
BUMUBUTI na ang kalagayan ng ina ni Abdul Raman. Ito ang ibinahagi niya nang matanong namin ito.
“Ah she’s fine, she’s recovering naman po,” ang nakangiting sagot sa amin ni Abdul “Medyo halted po ngayon kasi we’re waiting for the doctor’s ano, kasi may mga kailangan pa po siyang pagdaanan, pero nakakapagsalita naman po although medyo hirap.
”Pero progress is progress,” dagpag pa nito.
Labislabis-labis ang pasasalamat ni Abdul sa GMA dahil tuloy-tuloy ang trabaho niya na malaking tulong sa mga gastusin sa pagpapagamot sa kanyang ina.
“Hindi po ako nawawalan ng trabaho, malaking blessing po!” anang aktor na na-stroke ang ina noong Hulyo 2021.
Isa si Dennis Trillo na co-star ni Abdul sa Legal Wives na nag-abot ng tulong-pinansiyal sa aktor.
“Ang laki-laki po ng contribution niya as in, at marami pa pong mga ibang Kapuso na actors and stars na tumulong talaga.”
Samantala, ikinukompara ngayon sina Abdul, Kelvin Miranda, at Shaun Salvador kina Richard Gomez, Joey Marquez, at John Estrada dahil ang upcoming sitcom nila na TOLS ay nahahawig sa sikat na sitcom ng mga ito, ang Palibhasa Lalaki na umere noong 1987 hanggang 1998.
Mapapanood ang TOLS simula June 25, 7:05 p.m. sa GTV kasama sina Rufa Mae Quinto, Olive May, Arkin del Rosario, Raymund Mabute, Rolly Concepcion, at Betong Sumaya.
