Thursday , March 30 2023
Masungi Geopark Project Quarrying

Quarrying ng Masungi, ipinakakansela kay PRRD

MULING nanawagan ang grupo ng katutubo kay Pangulong Rodrigo Roa Duterte na tuluyan nang kanselahin ang quarrying agreements na napapaloob sa Upper Marikina River Basin Protected Landscape at Masungi Geopark Project bago siya bumaba sa puwesto sa 30 Hunyo 2022.

         Nanawagan ang mga katutubo kay Duterte dahil hindi kinansela bagkus ay sinuspende lamang ni Department of Environment and Natural Resources (DENR) Acting Secretary Jim O. Sampulna ang Mineral Production Sharing Agreement (MPSAs) ng sister quarry companies na Rapid City Realty and Development Corporation at Quarry Rock Group, gayondin ang sa Quimson Limestone Inc.

Ang tatlong kompanya ay mayroong mga MPSA na sumasaklaw sa higit 1,300 ektarya ng mga protektadong lugar at wildlife sanctuaries.

Pangamba ng katutubong Dumagat-Remontado sa Tanay, Rizal, maaaring tanggalin kahit anong oras ang  suspensiyon, kaya iginigiit nila ang kanselasyon ng mga MPSA.

Ayon sa batas, ang protektadong lugar at mga pambansang parke ay sarado sa pagmimina.

Paliwanag ng mga eksperto, pinoprotektahan ng watershed ang Metro Manila at ang lalawigan ng Rizal mula sa mapaminsalang pagbaha.

Ayon sa mga dalubhasa ng National Museum of the Philippines, ang malaking pakikialam sa lupa sa loob at paligid ng Masungi, tulad ng pagka-quarry, ay maaaring magkaroon ng malaking pinsala sa buhay, ari-arian, at ekonomiya.

“Kung matutuloy ang quarrying, maglalaho ang aming sagradong bundok dahil miminahin ang bato at papatagin ang bundok. Ang mga ilog at tubig ay matutuyot,” pangamba ng mga katutubo.

Noong Abril 2022, mahigit sa 30 eksperto kabilang sina Atty. Antonio Oposa, Jr., Edward Hagedorn, UST Science Dean Rey Papa, at Manila Observatory Head Fr. Jett Villarin ang naglabas ng open letter para sa pagkakansela ng mga MPSA.

Sinabi ng mga environmentalist, lubos na nakababahala dahil ang malawak na lugar ay kagubatan na pag-aari ng estado ng Filipinas at protektado ng iba’t ibang batas at panukala noong 1904, 1977, 1993, at 2011.

(ALMAR DANGUILAN)

About Almar Danguilan

Check Also

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

COMPOSITE SKETCH Marlon Serna

Sa pamamaslang sa hepe ng San Miguel MPS
COMPOSITE SKETCH NG SUSPEK INILABAS

NAGLABAS ang Philippine National Police (PNP) ng composite sketch ng isa sa dalawang suspek na …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …