Thursday , July 7 2022
road traffic accident

 ‘Lumipad’ mula flyover  
RIDER, ANGKAS PATAY PAGBAGSAK SA RILES NG MRT 

ni Brian Bilasano

HINDI nakaligtas sa kamatayan ang rider at ang kanyang angkas na tila ‘lumipad’ mula sa Aurora Blvd. (Tramo) flyover pabagsak sa riles ng MRT-3 sa pagitan ng mga estasyon ng Magallanes at Taft, sa Pasay City, kagabi, 12 Hunyo.

Dahil sa insidente, napilitang suspendehin ang operasyon ng MRT-3 dakong 6:37 pm habang nagreresponde ang emergency personnel.

Wala buhay na bumagsak ang katawan ng mga biktima na nakahandusay sa riles habang natagpuan ang dalawang helmet sa hindi kalayuan.

Sa inisyal na ulat ng pulisya, sakay ang dalawang biktima ng motorsiklo bago maganap ang insidente.

Nabatid sa imbestigasyon ng Pasay PNP na maaaring nawalan ng kontrol sa pagmamaneho ang isa sa mga biktima dahil madulas ang kalsada sanhi ng ulan.

Sa pahayag ng nakasaksing si Dondon De Juan, isa rin rider, tinatayang nasa 70 hanggang 75 kph ang bilis ng takbo ng motorsiklong sinasakyan ng dalawa.

“Andoon po sa pataas ng flyover, nag-overtake sa akin. ‘Tas pag overtake gumewang. Iba na pakiramdam ko. Pagdating ko rito (Aurora Flyover), ‘di nag-menor kaya ‘pag tama sa railings, deretso po bagsak. Tapos malayo na inabot ng motor,” pagsasalarawan ni De Juan.

Dagdag niya, agad siyang huminto para tingnan ang mga biktima.

“Tumigil. Tumingin ako. Na-shock ako sa nangyari dahil lumipad ‘yung dalawa. ‘Pag tingin ko no movement na ang dalawa. Saka parang tumama pa sa high voltage,” kuwento ng saksi.

Hindi pa tukoy ang pagkakakilanlan ng mga biktima habang natagpuan malapit sa kanilang mga katawan ang dalawang helmet at ilang personal na mga gamit.

Agad dumating ang PNP-SOCO sa pinangyarihan upang imbestigahan ang insidente katuwang ng Pasay PNP.

Ibinalik ang operasyon ng MRT-3 Southbound bandang 7:26 pm habang suspendido pa rin ang operasyon ng northbound.

About Brian Bilasano

Check Also

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

marijuana

Nagkakalat ng marijuana sa Bulacan
TULAK AT RUNNER NA MENOR DE EDAD, TIKLO SA DRUG STING 

NAARESTO ng mga awtoridad ang dalawang personalidad na pinaniniwalaang tulak ng marijuana kabilang ang isang …

dead gun police

Sa Jaen, Nueva Ecija
CARETAKER NIRATRAT NG RIDING-IN-TANDEM 

PATAY ang isang caretaker nang barilin ng dalawang armadong lalaking magkaangkas sa motorsiklo sa bayan …