Wednesday , July 6 2022
knife hand

Umuwing Pinay patay sa saksak ng kaalitan sa lupa

ISANG overseas Filipino worker (OFW) na umuwi sa bansa para ayusin ang problema sa lupa ang namatay nang pagsasaksakin ng isang lalaking kaalitan sa lupa sa Lucena City, Quezon.

Sa ulat ni John Consulta sa “24 Oras” nitong Martes, sinabing pauwi mula sa tanggapan ng barangay ang 56-anyos biktimang si Elena Alzaga, at kaniyang pamilya matapos dumalo sa pag-uusap tungkol sa away sa lupa nang bigla siyang atakehin ng suspek na kinilalang si Marlo Pauang.

Sa isang video, makikitang naglabas si Pauang ng patalim bago hinabol ng saksak ang biktima. Sinubukan pa siyang pigilan ng mga kaanak ng biktima at concerned citizens sa lugar ngunit nabigo sila.

Matapos saksakin ang biktima, sinaksak din ng suspek ang kaniyang sarili. Kasalukuyan siyang inoobserbahan sa ospital.

“Sa tingin namin ay talagang pinagplanohan nitong si Mr. Pauang ang kaniyang gagawing pananaksak dahil bukod sa usapin sa lupa ay may previous na galit,” sabi ni P/Lt. Col. Reynaldo Reyes, Lucena Police Chief.

Kinompirma ng pulisya na maaaring away sa lupa ang pinag-ugatan ng insidente. Aniya, umuwi mula sa ibang bansa si Alzaga upang ayusin ang kanilang naging problema.

Bukod kay Alzaga, dalawang tao pa ang nasugatan sa insidente kabilang ang anak ng biktima.

         Ayon kay Reyes ang anak ni Alzaga at ang suspek ay may tama rin ng saksak.

May tatlong tama ng saksak sa parte ng katawan ang biktima. Itinuring na ‘fatal’ ang saksak na tumama sa dibdib ni Alzaga, at ang dalawa pang saksak sa katawan, at braso, na hindi nakapanangga nang atakehin ng suspek.

Binabantayan ngayon ng mga awtoridad si Pauang at nakatakdang ilipat sa custodian facility ng lungsod kapag nakarekober na.

About hataw tabloid

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …

Ramon Zagala PSG Bongbong Marcos BBM

Non-PMAyer, DLSU PolSci graduate
UNANG PSG COMMANDER ITINALAGA NI MARCOS, JR

HINDI graduate ng Philippine Military Academy (PMA), sa halip ay sa De La Salle University …