Monday , July 4 2022
Andrew Gan

Andrew Gan thankful sa AQ Prime, tampok sa pelikulang Upuan

ALAM MO NA!
ni Nonie Nicasio

SI Andrew Gan ay isa sa tampok sa Upuan, kabilang sa mga pelikulang mapapanood sa AQ Prime very soon.

Bukod kay Andrew, tampok dito sina Krista Miller, Nika Madrid, Rob Sy, at Atty Aldwin Alegre, directed by Greg Colasito.

Nagkuwento ang actor hinggil dito. “It’s a GL movie po (Girls Love), ako po iyong husband ni Krista Miller. Most of the GL movie natin sa Philippines is nasa perception ng guy. Pero ito perception naman ng girl, so bago ito para sa lahat. Isa pong drama-thriller movie ito.”

Nagpa-sexy ba siya rito? “Abangan!” Nakatawang reaksiyon ni Andrew. “Pero may mga first time akong ginawa dito sa film na ito,” aniya pa.

Pinuri rin niya ang co-stars niya rito. “Mahuhusay sila at masarap kaeksena. Super-gaan kasi ng set and super collaborative ni Direk Greg Colasito which is napaka-importante para mag-work iyong isang scene,” wika ni Andrew.

Ano ang reaction niya sa nangyayari sa kanyang career ngayon?

Tugon niya, “Sobrang laking pasasalamat po. Kasi sa panahon ng pandemic, maraming artistang walang work. So once na nabigyan ka ng chance, malaki man o maliit, grab it! Kasi hindi everyday and hindi lahat, nabibigyan ng opportunity. So make the most out of it.

“I’m really thankful din sa manager kong sir Leo Dominguez for guidance na ibinibigay niya and siyempre sa AQ Prime at kina Atty. Honey and Atty. Aldwin.”

Kinuha rin namin ang komento niya na may bagong streaming like AQ Prime?

“Masaya ako kasi muling mabubuhay iyong industry natin. Actually nakausap ko si Atty. Aldwin one time, tinanong ko siya kung bakit ito ‘yung naisip niyang itayo. Isa lang ang sagot niya, para makatulong sa industry natin. Mas maraming tao ang mabigyan ng work, artist, staff, press people. So naniniwala po ako na this will be big, kasi maganda and pure iyong intentions nila Atty. Honey and Atty. Aldwin,” saad pa ni Andrew.

Ang AQ Prime Entertainment ang pinakabagong streaming company na maghahandog ng mga pelikulang gawang-Pinoy kabilang na ang mga orihinal na likha, nirerenta o on-demand na mga palabas, pay-per-view live events, at cable channel subscription. Magiging unang pasabog ng AQ Prime at Director’s Cut by AQ simula ngayong Hunyo ang iba’t ibang pelikula at exciting na palabas sa naturang streaming platform.

Bukod sa Upuan,, kabilang sa mga kaabang-abang na pelikula nila ang Nelia, Pula Ang Kulay Ng Gabi, Anatomiya, Huling Lamay, Ligaw, Abandoned, Z Love, Losers-1, Suckers Zero, at Peyri Teyl. Pang-mature audience naman under Director’s Cut by AQ ang Adonis X, Bingwit, Mang Kanor, Cuatro, Amazona, Sosyal Medya, Baka Sakali, La Traidora, at marami pang iba.

Magiging live ngayong June 2022, ang AQ Prime ay magdadala ng libo-libong oras ng streaming entertainment para sa mga smartphone at TV sa buong Pilipinas, at maging sa iba pang bansa sa Southeast Asia, Middle East, South Korea at North America.

May listahan din ang AQ Prime pagdating sa mga classic Filipino show at movie, pati na rin mga bago at kapana-panabik na independently produced film.

And take note, winner ang offer nilang pisong subscription fee sa unang buwan! Kaya tiyak na excited na ang maraming mahilig manood ng pelikula at kung ano-ano pang connected sa entertainment sa pagdating ng AQ Prime.

About Nonie Nicasio

Check Also

The Juans Callalily

Hiwalayan ng banda nauuso rin

HATAWANni Ed de Leon NAUUSO yata ang paghiwalay sa mga banda. Sinabi ng The Juans, na …

Atom Araullo Toni Gonzaga Cris Villonco

Atom kalmado sa coverage ng inauguration ni PBBM

HATAWANni Ed de Leon SINASABI nilang maganda ang naging inaugural ng Pangulong Bongbong Marcos na binigyan ng …

Faye Tangonan Lester Paul Recirdo

Faye Tangonan,  enjoy sa muling pagharap sa camera

ALAM MO NA!ni Nonie Nicasio IPAGPAPATULOY nina Faye Tangonan at Direk Romm Burlat ang shooting …

Christine Bermas 2

Christine Bermas tiniyak, mga barako ‘di mabibitin sa Scorpio Nights 3

ALAM MO NA!ni Nonie Nicasio IDINEKLARA ni Christine Bermas na ang Scorpio Nights 3 ang …

Christine Bermas

Christine tiyak na pag-uusapan sa Scorpio Nights 3

SHOWBIZ KONEKni Maricris Valdez Nicasio NAPAKA-RAW at ibang-iba ang nakuha naming sagot kay Christine Bermas nang magkaroon …