SHOWBIZ KONEK
ni Maricris Valdez Nicasio
SA wakas, tuloy na tuloy na ang naudlot na pagpapalabas ng pinagbidahang serye ni Herlene Budol mula Puregold, na ipinrodyus ng award winning filmmaker na si Chris Cahilig at idinirehe ng critically acclaimed na si Victor Villanueva, ang Ang Babae sa Likod ng FaceMask.
Bubulaga na simula June 11, 2022 ang isang online series na nagtatampok sa isang bagong love team na tiyak magbibigay-kilig at katatawanan, sina Herlene at Joseph Marco.
Ang Ang Babae sa Likod ng Face Mask ay 13-episode romantic comedy na magpapakita sa kakaibang talento ni Herlene sa pag-arte. Makikita rito ang pagiging witty at kakaibang charm niya sa pagganap bilang si Malta. Si Malta na mayroong magandang mata na siyang nakapagpa-ibig at nagustuhan ng karakter ni Joseph, si Sieg.
“Napaka-exciting na opportunity ang ibinigay ng Puregold sa akin,” ani Herlene. “Gusto ko ipakita sa lahat ng followers at Hiponatic supporters ang kakayahan ko bilang isang leading lady.”
Sinabi ni Herlene na masaya siya na nakatrabaho niya si Marco. “Sobrang lucky ako na kasama ko si Joseph Marco para sa show na ito. Siyempre, you always want to work with the best, kaya ang saya ko talaga noong nalaman ko na si Joseph Marco ang leading man ko.
“Ang exciting talaga,” sambit naman ni Marco. “I’m super honored that Puregold chose me to the leading man for the show. It’s been an absolute joy working with Herlene, and I think the viewers will be able to feel how much fun we had working together through the screen.”
Bagamat first time nagkatrabaho sina Herlene at Marco kita agad ang chemistry ng dalawa.
“Ang classic ng kuwento,” ani Budol. “Nakakikilig, nakatatawa, lahat ng gusto mo sa isang series, mayroon kami rito.”
Ang Babae…ang bagong handog ng Puregold’s online series na isang inspirational story mula sa classic Filipino TV ng past decades. Kaya tiyak na marami ang magbabalik-alaala sa palabas na ito at tiyak marami ang maiinlab.
“The ever-present face mask is now a symbol of hope and self-love for our lead in this new series. And we hope to entertain a large number of viewers online especially given the Pinoy’s fondness for light, romantic comedies,” ani Puregold marketing manager Ivy Piedad.
Kaya asahan ang matawa, maiyak, at kiligin sa Ang Babae sa Likod ng Face Mask na mapapanood via Stream sa digital series for free sa YouTube Puregold Channel tuwing Sabado, 6:00 p.m. June 11, 2022.