Friday , March 29 2024
AKSYON AGAD ni Almar Danguilan
AKSYON AGAD ni Almar Danguilan

Sindikato ng droga, muling binigo ng QCPD

AKSYON AGAD
ni Almar Danguilan

Muling pinatunayan ng Quezon City Police District (QCPD) na well deserving ang pulisya sa mga natatanggap na parangal kaugnay sa kampanya laban sa ilegal na droga lalo na sa pagdurog sa malalaking grupo ng sindikato ng droga.

Katunayan, noong Abril 2022, si QCPD Director, PBrig. Gen. Remus Medina, ay pinarangalan ng Congressional award para sa Outstanding Achievement kaugnay sa pinaigting na kampanya ng opisyal at QCPD laban sa ilegal na droga.

Matapos ang parangal, hindi nagbago ang QCPD sa gera laban sa droga – magkakasunod pa rin na drug operations ang isinagawa na nagresulta sa pagkakadakip ng mga hinihinalang drug suspect – small time at big time kasabay ng pagkakakompisa ng droga – shabu at pinatuyong dahon ng marijuana.

At nito ngang Lunes, Mayo 30, 2022, ay ipinaramdam pa rin ng QCPD sa mga sindikato ng droga na hindi nagbago, hindi lumaylo ang pulisya sa kanilang kampanya laban sa droga.

Lalo pa ngang pinaigting ni Medina ang kampanya – halos hindi na natutulog ang Heneral sa pagbibigay suporta sa kanyang mga opisyal at tauhan upang lalo pang ganahan magtrabaho.

Nitong ngang Lunes, nabigo ang sindikato ng droga sa planong magbagsak ng droga sa lungsod ito ay makaraang maaresto, este mapatay pala ang dalawang bigtime drug suspect sa nangyaring buy bust operation.

Dakong 3:45PM, nagsagawa ng buy bust operation ang tropa ng QPD District Drug Enforcement Unit (DDEU) sa pangunguna P Lt Col. Roland Vergara, sa Brgy. UP Campus, Diliman, QC partikular na sa Pook Arboretum Road.

Napatay ang dalawa makaraang paputukan ng baril ang mga operatiba makaraang matuklasan na mga pulis -QC ang kanilang katransaksyon. Siyempre, para depensahan ang kanilan sarli ay napilitan nang manlaban sa tropa ng pulisya kaya napatay ang dalawang suspek.

Hindi naman napatay sa mismong pinangyarihan ang dalawa kung hindi ay hindi na umabot sa East Avenue Medical Center kung saan sila isinugod nang dahil sa tama ng bala sa kanilang katawan.

Hayun, ang operasyon na nagresulta sa pagkabawas ng dalawang salot sa lungsod ay nagsesulta din sa pagkakompiska ng 10 kilo ng shabu na nagkakahalaga ng P68 milyon.

Tulad ng nabanggit, ang opersyon ay patunay lamang na ang QCPD o si Medina ay hindi kailanman lumamig sa kampanya nito laban sa droga. Hindi naman lingid sa kaalaman natin na si Medina ay dating hepe ng PNP Drug Enforcement Group kung saan, hindi matatawaran ang kanyang kampanya laban sa droga kung kaya ang heneral at ang kanyang hinahawakang opisina ay madalaas na pinararangalan.

Kaya, sa mga sindikato ng droga, kalimutan niyo na ang planongg pagpasok ng droga sa Kyusi dahil habang si Medina ang nakaupo sa QCPD, hinding-hindi kayo magtatagumpay.

Sa iyo Hen. Medina, sampu ng mga bumubuo ng DDEU, ang gagaling niyo. Congratulations!

About Almar Danguilan

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …