I-FLEX
ni Jun Nardo
DALAGITA na si Ryza Mae Dizon, ang winner ng Little Miss Philippines ng Eat Bulaga.
Matapos ang ilang taong pananatili sa Pampanga dahil sa pandemic, bumulaga na si Ryzza sa APT Studios ng Eat Bulaga last Saturday.
Sa Zoom lumalabas si Ryza kapag napapanood sa Eat Bulaga. Kaya naman nang personal siyang umapir sa studio, palakpakan ang lahat ng EB Dabarkads na kasama niya noong Sabado.
Ang isang magandang pangyayari sa buhay ni Ryza kahit paminsan-minsan lang lumabas sa Bulaga, nakapagpatayo na siya ng sariling bahay para sa kanyang pamilya, huh.
Eh ngayong balik-studio na si Ryza, kasunod na kaya niya si Baby Baste sa pag-apir sa Bulaga?
