Saturday , June 25 2022
Baby Hands

Sa Villaverde, Nueva Vizcaya,
BUNTIS NANGANAK SA POLICE PATROL CAR, NAGKOMADRONA

NAGSILBING mga komadrona ang mga pulis sa bayan ng Villaverde, lalawigan ng Nueva Vizcaya nang tulungan nilang manganak ang isang buntis na ihahatid sana sa ospital ngunit inabutan ng labor pain sa kanilang patrol car, nitong Linggo ng umaga, 22 Mayo.

Magkakatuwang na tinulungan nina Pat. Jardin Paulo Galima at P/Cpl. Kennent Cabanilla, at ilang mga tauhang naka-duty sa Villaverde MPS ang buntis para maipanganak ang kaniyang sanggol.

Ayon sa ulat, nagsimulang makaramdam ng sakit sa kaniyang tiyan ang babae, hudyat ng labor, dakong 6:00 am kahapon, nabatid na kabuwanan ngayong Mayo.

Nagdesisyon ang asawa ng buntis na dalhin siya sa estasyon ng pulisya upang humingi ng tulong na maihatid sila sa pinakamalapit na pagamutan dahil tanging motorsiklo lamang ang kanilang sasakyan.

Nang papaalis na sila sakay ng patrol car, tumindi ang paghilab ng tiyan ng babae at agad napansin ni Pat. Galima, na isang rehistradong nurse, ang mga tandang malapit na siyang manganak.

Agad tumulong sina Galima, Cabanilla, at ilang mga tauhan ng estasyon na maipanganak ang isang sanggol na babaeng pinangalanang Jiselle Blythe Ordonia.

Samantala, dinala ang mag-ina sa isang birthing clinic para sa kaukulang atensiyon at pagkalinga.

About hataw tabloid

Check Also

062322 Hataw Frontpage

Dismissal binaliktad ng korte
ARESTO VS DOC NATY MULING INIUTOS 

IPINAG-UTOS ng Regional Trial Court ng Bayugan, Agusan del Sur Regional Trial Court ang pagdakip …

SM Southmall Southtopia UFC

UFC GYM NASA SM SOUTHMALL NA
Plus, take a trip down good ol’ days of fun games and retro activities at #Southtopia post workout

SA PANAHON ngayon, mahalagang magkaroon ng mas aktibong lifestyle upang mapataas ang immunity ng isang …

gun shot

Sa Jaen, Nueva Ecija
BRGY. KAGAWAD LIGTAS SA AMBUSH

NAKALIGTAS ang isang kagawad ng barangay matapos tambangan sa Brgy. Malabon Kaingin, sa bayan ng …

Rizal Police PNP

Sa 7-araw SACLEO sa Rizal
P2.4-M DROGA KOMPISKADO, 180 KATAO TIMBOG

NASAMSAM ang P24-milyong halaga ng ilegal na droga habang arestado ang 180 katao sa ikinasang …

Car Wash

Silid sinalakay ng kaalitang katrabaho
CARWASH BOY PATAY, KASAMA SUGATAN

HINDI nakaligtas ang isang trabahador sa isang carwash shop habang sugatan ang isa pa nang …