Tuesday , July 5 2022
Bongbong Marcos Andrew E

Andrew E, niregaluhan ba ng kotse ni BBM?

ALAM MO NA!
ni Nonie Nicasio

SINAGOT ni Andrew E. kung totoo ba ang tsika na niregaluhan daw siya ng kotse ni BBM o ng presumptive president na si Ferdinand ‘Bongbong’ Marcos, Jr.

Si Andrew, together with Toni Gonzaga ang nangungunang pambato ng BBM-Sara tandem sa nagdaang campaign rallies. Sinasabing marami sa malalaking big stars, na karamihan ay mga taga-ABS CBN, ang katapat lang daw halos sa kampanya ay sina Andrew at Toni. Si Andrew nga raw ang secret weapon ng BBM-Sara tandem sa malalaking campaign rallies nito.

Anyway, natiyempuhan namin ang panayam ni Anthony Taberna kay Andrew sa Tune In Kay Tunying sa YouTube channel nito at dito’y nilinaw ng mahusay na rapper/actor ang ukol sa balitang regalo umano sa kanya ni BBM.

Ayon kay Andrew, “Ang alam kong iniregalo niya po sa akin ay embrace roon sa stage, iyon po ang iniregalo niya sa akin. Hindi nga po ibinalot iyon eh, sayang nga, sana mas okay kung na-gift wrap niya.”

Esplika pa niya, “Kung makikita nyo sa litrato, fist bump ang hinihingi ko sa kanya, ayaw niya, gusto niya embrace. Alam nyo po kung bakit? Kasi for the very first time po, ganyan po nakapagpasalamat sa akin ang ating incoming pangulo na Ferdinand ‘Bongbong’ Marcos, Jr.

“Bakit po? Kumpare ko po iyan, siya po ay kumpare ko at ninong ng aking bunso na si Ichiro. Kaya para po sa akin ay very monumental ang yakap na iyan, kasi unang-una po ay hindi siya nakasipot noong binyagan. Kaya dapat noon pa man ay nayakap ko na iyan. Eh wala eh, roon pala sa entablado, sa last day ng kampanya at saka ako nabigyan nang pagkakataon. Fist bump lang ang hiningi ko, kasi nga ay baka bawal ang yumakap, pero hindi eh.”

Ano ang naramdaman niya sa yakap ni BBM?

Tugon ni Andrew, “Iyon po ay tunay na yakap, tunay na yakap po iyon. Yakap nang pagpapasalamat na hndi maibigay sa inyo sa salita, kaya hug na lang talaga. Ako naman po, yung hug ko ay thank you also.

“Bakit? Thank you for being so humble enough, thank you for being so patient enough na sa tagal-tagal ng panahon, sa tagal-tagal ng dekada ay napili mo pa rin mahalin ang Pilipinas natin. Maraming salamat po,” seryosong sambit pa ni Andrew.

About Nonie Nicasio

Check Also

AJ Raval

AJ ‘di buntis, flat tummy ipinagmalaki

MA at PAni Rommel Placente IBINANDERA ng sexy star na si AJ Raval sa kanyang Instagram account ang picture …

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Cristy Fermin Toni Gonzaga

Cristy ipinagtanggol si Toni Lupang Hinirang maayos na nakanta

MATABILni John Fontanilla DINEPENSAHAN  ni Cristy Fermin si Toni Gonzaga sa mga taong nanlalait kaugnay sa pag-awit nito ng Lupang …

Jake Zyrus Charice Pempenco

Jake Zyrus deadma sa ina sa kanyang Transman Journey

MATABILni John Fontanilla PALAISIPAN sa mga netizen ang hindi pagkakabanggit ni Jake Zyrus sa kanyang ina sa …

Geneva Cruz

Geneva sa tumawag ng trying hard— It’s a reflection of how bad you feel about yourself

MA at PAni Rommel Placente PINATULAN ni Geneva Cruz ang isang netizen na tumawag sa kanya ng …