Tuesday , March 19 2024

PCGG walang silbi sa Marcos admin

ni ROSE NOVENARIO

051622 Hataw Frontpage

NANGANGAMBA ang isang dating opisyal ng Presidential Commission on Good Government (PCGG) na hindi mababawi a ang mga ‘nakaw na yaman’ ng mga Marcos dahil sa pagbabalik sa Malacañang ng pamilya ng tinaguriang ‘Diktador.’

“Ang pangunahing layunin ng PCGG ay hanapin at ibalik ang mga nakaw na yaman ng mga Marcos at mga crony pero iyong presidential commission ngayon ay magre-report sa isang Marcos , e di for all intents and purposes , wala na ‘yan,” ayon kay dating PCGG chairman at dating Commission on Elections (Comelec) chairman Andres Bautista sa panayam ng CNN kahapon.

Ang pahayag ni Bautista ay kaugnay sa nakita sa bahay ni dating First Lady Imelda Marcos, ang nawawalang obra ni Spanish painter Pablo Picasso na Reclining Woman Number 6.

Ang painting na nagkakahalaga ng P8 bilyon ay isa sa 350 paintings na ipinababawi sa pamilya Marcos.

“Ako mismo nakita ko ‘yang painting na ‘yan kasi nang binisita namin si dating Unang Ginang Imelda Marcos, pumunta kami sa kanyang condominium sa Pacific Plaza ‘yung Unit 34-B at kasama ko noon si Commissioner Richard Amurao. Nakita nga namin ‘yang Picasso na ‘yan,” ani Bautista.

Nag-apply aniya ang PCGG ng writ of attachment mula sa Sandiganbayan at nagpunta ang mga sheriff sa mga bahay at opisina ng mga Marcos noong 2014 at nabisto nilang gumagawa ng mga kopya ang mga Marcos ng mga orihinal na painting gaya ng Madonna and Child.

“Gumagawa sila ng mga kopya, no’ng nag-raid ang mga sheriff, nakakita sila ng tatlong kopya ng Madonna and Child so talagang parang mga ano lang, sinasabit nila kung saan, ewan ko lang kung in order to protect the original,” sabi ni Bautista.

Kaugnay nito, kumasa si Bautista sa hamon ni Atty. Vic Rodriguez, tagapagsalita ni presumptive president Ferdinand “Bongbong” Marcos, Jr., na pinababalik siya sa Filipinas para harapin umano ang mga isyu kaugnay sa 2016 elections noong siya ang Comelec chairman.

“Ang akala ko ang nawawalang Picasso ang pinag-uusapan. Mahalaga ang painting na ‘yan! Pero kung change topic na sa halalan puwede rin. Ipahambing kaya ng mga dalubhasa ang pamamalakad sa 2022 at 2016? Sama na rin ang 2019,” ani Bautista.

Matatandaan, tatlong beses humiling ng recount si Marcos, Jr., nang matalo siya sa vice presidential elections noong 2016 at nagpasya ang Korte Suprema na lehitimo ang panalo ni Vice President Leni Robredo.

Sa 2022 presidential elections campaign ni Marcos, Jr., ay iginiit pa rin ng kanyang kampo na dinaya sila noong 2016 polls.

About Rose Novenario

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …