Friday , May 27 2022
Mga sasakyan nagkagitgitan... DAHIL SA AWAY SA KALYE, NEGOSYANTE NANUTOK NG BARIL, KALABOSO

Mga sasakyan nagkagitgitan…
DAHIL SA  AWAY SA KALYE, NEGOSYANTE NANUTOK NG BARIL, KALABOSO

ISANG lalaki ang naghihimas ngayon ng rehas na bakal matapos arestuhin ng pulisya sa reklamong panunutok ng baril na nag-ugat sa gitgitan ng mga sasakyan sa Pandi, Bulacan kamakalawa ng gabi.

Sa ulat mula kay P/Colonel Alex Apolonio, hepe ng Pandi Municipal Police Station (MPS), ang suspek na arestado ay kinilalang si Bryan Lingad y Cruz, 29-anyos, negosyante at naninirahan sa Brgy. Caypombo, Sta.Maria, Bulacan.

Ayon sa biktimang si Roel Ramos y Gabriel, 46-anyos, driver at residente ng Brgy. Siling Bata, Pandi, Bulacan, dakong alas-7:00 ng gabi, Mayo 10, nagmamaneho siya ng motorsiklo nang muntik na silang magkabanggan ng suspek na nagmamaneho naman ng isang Tamaraw jeep sa lansangan ng Brgy.Siling Bata.

Sa pag-iimbestiga ni Police Corporal Joel Dice, pulis na may hawak ng kaso, hindi nagkaintindihan sa pag-uusap ang dalawa na humantong sa mainit na argumento hanggang bumunot ng baril ang suspek at itinutok ito sa biktima kaya sa takot na mapatay ay nagmamadali nitong pinaharurot ang minamanehong motorsiklo at umalis sa lugar.

Kaagad ding tumawag ang biktima sa himpilan ng Pandi MPS na mabilis namang nagresponde at ang mga pulis ay nagsagawa ng hot pursuit operation na nagresulta sa pagkaaresto ng suspek.

Nakumpiska sa arestadong suspek ang isang Armscor caliber .9mm na may serial number AC20432, 13 bala para sa caliber .9mm, isang magazine, isang car key, isang cellphone, at ang minamaneho niyang Tamaraw jeep na may plakang PYZ 648.

Nakakulong na ang suspek sa Pandi MPS custodial facility habang inihahanda na ang pagsasampa sa kanya ng mga kasong Grave Threat at paglabag sa RA 10591 kaugnay sa Omnibus Election Code.(Micka Bautista)

About Micka Bautista

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …