Saturday , January 28 2023
Sa Laguna TULAK TIMBOG SA BUY BUST Boy Palatino

Sa Laguna
TULAK TIMBOG SA BUY BUST  

ISANG drug suspect, iniulat ni Laguna PPO Acting Provincial Director P/Col. Cecilio Ramos Ison, Jr., kay CALABARZON PNP Regional Director P/BGen. Antonio Yarra, ang naaresto sa ikinasang buy bust operation, nasamsaman ng P130,000 halaga ng hinihinalang ilegal na droga nitong Martes, 10 Mayo, sa lungsod ng Calamba, lalawigan ng Laguna.

Kinilala ni P/Col. Ison ang suspek na si Victor Toralba, 30 anyos, walang trabaho, residente sa Brgy. 2, sa nabanggit na lungsod.

Dinakip ang suspek ng mga tauhan ng Calamba CPS sa ilalim ng direktang pangangasiwa ni P/Lt. Col. Arnel Pagulayan, Chief of Police, dakong 4:57 pn kamakalawa sa Angels Nest, Brgy. Turbina, sa naturang lungsod dahil sa pagbebenta ng ilegal na droga sa pulis na nagsilbing poseur buyer kapalit ng P1,000.

Nakompiska mula sa suspek ang pitong pirasong plastic sachet na naglalaman ng hinihinalang shabu na tinatayang tumitimbang ng 1.5 gramo at nagkakahalaga ng P10,200; isang laryo ng pinatuyong namumungang dahon ng hinihinalang marijuana, tinatayang may timbang na isang kilo at nagkakahalaga ng P120,000; isang pirasong sigarilyo, isang back pack, P400 hinihinalang drug money, at P1,000 ginamit bilang buy bust money.

Nasa ilalim ng kustodiya ng Calamba CPS ang suspek at nakatakdang sampahan ng kasong paglabag sa RA 9165 o Comprehensive Dangerous Drug Act of 2002 habang isusumite ang mga nasabat na ebidensiya sa Crime Laboratory Office para sa forensic examination.

Pahayag ni P/BGen. Yarra, “Ipagpapatuloy natin ang pagpuksa sa ilegal na droga at all cost. Hinihimok ko ang mga tao na aktibong lumahok sa ating kampanya laban sa ilegal na droga upang mailigtas ang kanilang mga pamilya sa mga krimen na maaaring gawin ng mga personalidad na impluwensiyado ng ilegal na droga.” (BOY PALATINO)

About Boy Palatino

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …