MAGPAPATUPAD ang mga kompanya ng langis ng big time oil price hike ngayong araw, Martes, 10 Mayo 2022.
Ito ang ika-15 ulit na taas-presyo ng mga produktong petrolyo sa taong 2022.
Dakong 12:01 am ng 10 Mayo, ng Caltex Philippines ang dagdag na P4.20 kada litro ng gasolina at diesel habang ang kerosene ay P5.85 kada litro.
Gayondin ang itataas sa pump prices ng Petron Corporation, Pilipinas Shell, Seaoil Philippines at Flying V sa kanilang produktong gasolina, diesel, at kerosene.
Magsisimula itong ipatupad 6:00 am, ngayong Martes.
Agad sumunod sa katulad na dagdag-presyo sa kanilang gasolina at disesl ang mga independent oil companies na PTT Philippines, Petro Gazz, Total Philippines, Phoenix Petroleum, Unioil, at Eastern Petroleum, dakong 6:00 am ngayong Martes.
Habang 8:01 am magpapatupad ang Clean Fuel sa kanilang produktong gasolina at diesel sa katulad na presyong idadagdag. (GINA GARCIA)
