Tuesday , May 24 2022
Robin Padilla West Philippine Sea WPS

Robin Padilla no. 1 sa senador

NAGULANTANG ang maraming Filipino nang manguna ang aktor na si Robin Padilla sa unang puwesto sa hanay ng mga ibinotong senador, mula sa simula ng bilangan, kagabi.

Nanguna ang aktor sa unofficial election returns sa Commission on Elections’ Transparency Media Server.

Sa botong 16,441,195 naitala, si Padilla ng PDP-Laban party ay naungusan si Rep. Loren Legarda (Antique) na nakakuha ng 15,896,981 boto dakong 9:02 p.m.

Labindalawang kandidato ang pinili ng mga Filipino kahapon, Lunes 9 Mayo, para sa 12 bakanteng posisyon  sa mataas na kapulungan.

Ang broadcaster na si Raffy Tulfo, paborito sa pre-election surveys, ay ikatlong puwesto sa partial, unofficial tally na may 15,240,955 boto, kasunod si re-electionist Sen. Sherwin “Win” Gatchalian, may 13,611,577 boto hanggang kagabi.

Si Sorsogon Gov. Francis “Chiz” Escudero, nagbabalik sa Senado, ay may 13,542,957 boto hanggang kagabi, habang si dating Public Works Secretary Mark Villar ay may botong 12,604,192.

Nasambot din ng mga re-electionists at dating senador ang top 12 candidates, kasama sina Rep. Alan Peter Cayetano (Taguig), 12,514,348 boto at Sen. Joel Villanueva, 12,338,351 boto.

Si Senate Majority Leader Juan Miguel Zubiri ay nakakuha ng 12,043,798 boto sa partial, unofficial tally, si Sen. Risa Hontiveros, kasapi ng small Senate minority ay may 10,351,953 boto.

Ang magkapatid at dating mga senador na sina JV Ejercito at Jinggoy Estrada ay pasok sa kanilang pagbabalik sa botong 10,314,576 at 9,555,084, ayon sa pagkakasunod.

About hataw tabloid

Check Also

Arrest Posas Handcuff

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong …

Marawi

462 units ng pabahay ipinamahagi sa Marawi

PORMAL nang naipamahagi ang 462 permanenteng bahay sa mga benepisaryong nawalan ng tirahan noong 2017 …

MMDA, NCR, Metro Manila

Pumping station sa Metro handa sa tag-ulan — MMDA

KINOMPIRMA ng Metropolitan Manila Development Authority (MMDA) na operational at nasa maayos na working conditions …

shabu drug arrest

P.4-M kompiskado sa nasakoteng 6 drug pushers

TINATAYANG 60 gramo ng hinihinalang shabu na nagkakahalaga ng P408,000 ang nakompiska sa anim na …

shabu

P3-M droga tiklo, 8 tulak arestado

AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang …