Saturday , May 28 2022
Vietnam SEA Games

Hanoi SEA Games
SEA GAMES TEAM ROSTER NG TEAM PH NAKOMPLETO NA

HANOI—Nakompleto  ng Team Philippines ang  fighting roster para sa 31st Southeast Asian Games  pagkatapos ng ‘delegation registration’  meetings na inorganisa ng host nation.

Inireport  ni Commissioner  Ramon Fernandez ng Philippine Sports Commission,  na siyang tumatayong chef de mission ng bansa na ang akreditasyon ng lahat ng 981-strong delegation kasama ang 641 Filipino Athletes mula 38 sports ay naayos na.

Si Fernandez ay inasistihan ng kanyang deputy chefs de mission na sina Pearl Managuelod  at Carl Sambrano sa pagkuha ng identification cards bago ang opening ceremony  na piniprepara ng host Vietnam sa May 12.

“We have to make sure that everything will be in order before our athletes compete for medals. There should be no distractions as they focus on their respective events,’’ sabi ni Fernandez.

 May total na 318 officials at 18 support staff ang aalalay sa ating mga atleta, na ang partisipasyon at preparasyon ay pinondohan ng PSC, ang government arm sa sports, sa tunog na P232 million.

Ang Philippine kickboxing team ay magsisimula sa kanilang misyon para sa hinahangad na medalya na ang apat na kickboxers ay makikipaglaban sa bronze medals sa opening quarterfinal bouts.

Sa paunang laban para sa diving competition nung Linggo, pumang-apat si Ariana Drake, at kulelat sa women’s 1-meters springboard ng diving.  Ganun pa man, ang kanyang performance ay isang banta para sa future Southeast Asian Games.

Sa edad na 17 at first-timer sa SEA Games,  nasubok agad ang kalidad ni  Drake laban sa mga batikang divers tulad nina Nur Dhabitah Sabri at Kimberly Bong Quian na tumapos ng 1-2 sa event, para ilista ng Malaysia ang unang dalawang medals sa Games na pormal pang  bubuksan sa Huwebes.

Pumasok din sa medal tally board ang Vietnam sa nakuhang bronze medal ni Ngo Phuong Mai sa nasabing event na ginanap sa My Dinh Aquatics Center sa Hanoi.

Sasalang uli si Drake sa women’s 3-meter springboard sa Martes. 

.

Samantala,  itinala naman ng Philippine beach handball team ang ikalawang sunod na panalo laban sa Singapore, 22-19, 22-16, sa Tuan Chau Island sa Quang Ninh Province, Vietnam nung Linggo.

Ang  ikalawa nilang panalo ay karugtong ng una nilang upset win versus  Thailand (18-16, 18-16), na siyang silver medal sa 2019 Philippines Games sa likod ng Vietnam.

About hataw tabloid

Check Also

Tank Davis Mayweather Rolando  Romero

 ‘Tank’ Davis huling laban na si Romero sa ilalim ng Mayweather Promotions

DESIDIDO si Gervonta ‘Tank’ Davis na kumalas na sa Mayweather Promotions pagkatapos ng laban niya …

PCAP Professional Chess Association of the Philippines

Cavite, Caloocan chessers humataw agad sa panimula ng  PCAP online chess tourney

MANILA—Malakas na sinimulan ng Cavite Spartans at Caloocan Loadmanna Knights ang kanilang kampanya matapos magtala …

Philracom Horse Race

2022 PHILRACOM ‘Gran Copa de Manila Cup’ lalarga sa San Lazaro

KINASASABIKAN na ng racing aficionados ang paglarga ng 2022 Gran Copa De Manila na itatakbo …

Chess

Jayag, Molinyawe kampeon sa Marinduque Rapid Chess tourney

PINAGHARIAN nina John Meneses Jayag at Cleiford Kortchnoi Molinyawe ang kani-kanilang dibisyon sa katatapos na …

Ramon Fernandez SEA games

PH squad nirepresenta ni Mon Fernandez  sa Viet SEA Games closing rites

HANOI – Tunay sa kanyang binitawang salita bilang ‘last man standing’,  nagpaiwan si national team …