Friday , May 27 2022
Carlo Biado Wife Niks
Si Carlo Biado pagkaraang magkampeon sa NAT’L 10-BALL TOURNAMENT at ang asawa niyang si Niks na ipinagmamalaki niyang sabihin na ‘lucky charm’ niya sa bawat torneyo na salihan.

Biado kampeon  sa Nat’l 10-Ball Tournament

NAGHARI si World 9-Ball champion Carlo “The Black Tiger” Biado sa katatapos na National 10-Ball Tournament na sumargo sa Robinson’s Mall sa Naga City nung Sabado.

Ang magandang preparasyon ni Biado ay isang prebyu para sa ‘di mapipigilang pagsungkit niya ng gintong medalya sa paparating na   31st Southeast Asian Games  na sasargo sa Hanoi, Vietnam.  Nakatakda siyang maglaro para sa bansa sa men’s 10-ball at 9-ball singles.

Tinibag  ni Biado si Raymund “The Pharaoh” Faraon, 11-3, sa finals.

Bago makasampa  sa finals ay giniba  muna ni Biado  sina Alexis Ferrer, 10-8, sa Round-of-16;  James “Dodong Diamond” Aranas, 10-6, sa Round-of-8;  at Anthony “Anton” Raga, 11-6, sa Round-of-4.

Samantalang si  Faraon na ipinagmamalaki ng Sipocot, Camarines Sur ay sinisiw niya si  Jerico Bonus, 10-4, sa Round-of-16;   Marvin Pastor, 10-4, sa Round-of-8;  at Rodrigo “Edgie” Geronimo, 11-10, sa Round-of-4.

Sa naging panalo ni Biado ay kumabig siya ng papremyong P102,000,  samantalang si Faraon   na naging runner up ay nagkasya na lang sa P30,000.

 “I hope to win the SEAG gold,” sabi ni  Rosario, La Union native Biado na magiging katambal ang isa pang popular cue master na si Johann “Bubwit” Chua sa SEAG.

Sa women’s side ay tutumbok din sina Rubilen Amit at Chezka Centeno sa 10-ball at 9-ball.

Sasamahan naman ni Francisco Dela Cruz si Efren “Bata” Reyes sa one-cushion at three-cushion carom.

Sa snooker ay pambato naman natin  sina Alvin Barbero at Jeffrey Roda para sa men’s singles at 6-red singles.

Sina Amit at Centeno ang magtatangol sa korona ng 9-ball at 10-ball singles sa Hanoi.

MARLON BERNARDINO

About Marlon Bernardino

Check Also

Tank Davis Mayweather Rolando  Romero

 ‘Tank’ Davis huling laban na si Romero sa ilalim ng Mayweather Promotions

DESIDIDO si Gervonta ‘Tank’ Davis na kumalas na sa Mayweather Promotions pagkatapos ng laban niya …

PCAP Professional Chess Association of the Philippines

Cavite, Caloocan chessers humataw agad sa panimula ng  PCAP online chess tourney

MANILA—Malakas na sinimulan ng Cavite Spartans at Caloocan Loadmanna Knights ang kanilang kampanya matapos magtala …

Philracom Horse Race

2022 PHILRACOM ‘Gran Copa de Manila Cup’ lalarga sa San Lazaro

KINASASABIKAN na ng racing aficionados ang paglarga ng 2022 Gran Copa De Manila na itatakbo …

Chess

Jayag, Molinyawe kampeon sa Marinduque Rapid Chess tourney

PINAGHARIAN nina John Meneses Jayag at Cleiford Kortchnoi Molinyawe ang kani-kanilang dibisyon sa katatapos na …

Ramon Fernandez SEA games

PH squad nirepresenta ni Mon Fernandez  sa Viet SEA Games closing rites

HANOI – Tunay sa kanyang binitawang salita bilang ‘last man standing’,  nagpaiwan si national team …