Friday , May 27 2022
Guillermo Eleazar

Eleazar: Kaso ng nawawalang mga sabungero lutasin, ‘guerrila operation’ ng online sabong pigilan

NGAYONG suspendido na ang operasyon ng online sabong, kailangan ituon ng mga awtoridad ang pansin sa paglutas sa kaso ng 34 nawawalang sabungero, ayon kay senatorial candidate Gen. Guillermo Lorenzo Eleazar.

“Ipinagbawal ng ating mahal na Pangulong Rodrigo Duterte ang online sabong sa bansa ngunit wala pa tayong nakukuhang updates tungkol sa mga nawawalang sabungero. Hindi puwedeng mabaon na lang ito sa limot,” ani Eleazar.

“Tulungan natin ang pamilya ng mga nawawalang sabungero na makita ang kanilang mga kaanak o malaman ang kanilang kalagayan. Aside from that, let us give justice to what was done on them. Kailangang may managot dito,” aniya.

Nanawagan si Eleazar, dating hepe ng Philippine National Police (PNP), sa PAGCOR na maging mapagmasid sa posibilidad na may magpatuloy ng operasyon ng online sabong kahit ipinagbabawal ng pamahalaan.

“Si Pangulong Duterte na ang nagbawal sa operasyon ng online sabong kaya dapat siguraduhing walang makalulusot dito. Dapat mapanagot sa batas ang sinomang lumabag sa kautusang ito,” aniya.

Dapat aniyang alamin ng PAGCOR kung saan pa maaaring makalikom ng kita, matapos ipatigil ng Pangulo ang online sabong.

Pinaalalahanan ni Eleazar ang publiko sa masamang epekto ng sugal ‘di lang sa buhay ng isang tao at ng kanyang pamilya, kundi pati sa lipunan.

“Bukod sa pagkakalubog sa utang at pagkakasira ng pamilya, maaaring pag-ugatan ng iba pang krimen ang pagkakalulong sa sugal. Kaya naman paulit-ulit ang paalala natin sa publiko na iwasan ito,” aniya. (ALMAR DANGUILAN)

About Almar Danguilan

Check Also

“Sambigkis Laban sa Kriminilidad” inilunsad sa Laguna

“Sambigkis Laban sa Kriminilidad” inilunsad sa Laguna

Pomal na inilunsad nitong Martes nga hapon, 24 Mayo, ang Sambigkis Advocacy Support Group kasabay …

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

7 illegal E-sabong, naipasara na — DILG

Naipasara na ang pitong e-sabong websites na ilegal na nag-o-operate, matapos ipag-utos ni Department of …

Jomari Yllana, Abby Viduya, Priscilla Almeda

Abby masaya sa pagwawagi ni Jomari

MATABILni John Fontanilla MASAYANG-MASAYA si Abby Viduya sa pagkapanalo ni Jomari Yllana bilang councilor ng District 1 ng  Parañaque. …

Vice Ganda

Nasaan na nga ba si Vice Ganda?

HEY! Hey! Hey! What happened na sa mga artistang sumampa sa entablado with matching grand …