Friday , May 27 2022

3 bata, 2 senior citizens, 5 pa  
10 KATAO PATAY, INULING NG SUNOG

050322 Hataw Frontpage

HINDI na nakilala dahil sa labis na pagkasunog at nagmistulang uling ang 8 biktima ng sunog na namatay sa UP Campus, Diliman, Quezon City kahapon ng umaga; habang ang magkapatid na biktima din ng sunog sa Catarman, kapwa namatay rin, isang 10-anyos batang lalaki, at 18-anyos dalaga ay nakulong sa kanilang kuwarto, sa Catarman Northern, kahapon ng madaling araw.

Patayang walo katao habang tatlo ang sugatan sa sumiklab na sunog sa isang residential area sa Brgy. UP Campus, Diliman, Quezon City kahapon ng madaling araw.

Ang hindi pinangalanang mga namatay na biktima ay kinabibilangan ng isang ina at kanyang dalawang anak, dalawang senior citizens, isang may kapansanan at dalawang iba pa.

Samantala, ang tatlong sugatan ay nalapatan na ng lunas at nasa maayos nang kalagayan.

Sa ulat ng Bureau of Fire Protection – National Capital Region (BFP-NCR), dakong 5:20 am nang maganap ang sunog sa dalawang-palapag na tahanan, na matatagpuan sa R6A Employees Village A, Brgy. UP Campus.

Ang naturang tahanan ay pagmamay-ari ng isang Apolinario Almo at inookupahan ng pamilya ni Marie Antonette Almo Agutay.

Sinasabing ang apoy ay nagmula sa silid na inookupahan ni Emirys Richard Artuge.

Nabatid, kabilang sa mga namatay sa sunog ang anim na kamag-anak ni Maria Alea Evangelista.

“Ang buong pag-asa kasi siguro noong mag-iina, kaya tumakbo doon sa itaas, sa bahay ng tiyahin ko, ang pag-asa nila, hindi aabutin [ng sunog] ‘yong bahay. Doon sila na-trap kasi wala na pong daanan,” kuwento ni Evangelista.

Ayon kay Fire Senior Insp. Jose Felipe Arreza ng BFP-Quezon City, sunog na sunog ang mga bangkay at hindi na makilala.

“Hindi na po natin sila makilala kasi charred beyond recognition po sila. ‘Yong anim po nag-umpukan doon sa passage way, doon sila na-trap,” aniya.

Sa pagtaya ng mga awtoridad, aabot sa 250 pamilya ang nawalan ng tahanan sa sunog na tumupok sa tinatayang 80 kabahayan.

Umabot sa ikalawang alarma ang sunog at tinatayang nasa P150,000 ang pinsala, bago tuluyang naideklarang fireout dakong 6:35 am at tuluyang naapula dakong 7:00 am.

Inaalam ng mga imbestigador kung ano ang sanhi ng sunog.

Sa Catarman, Northern Samar, isang 10-anyos batang lalaki at 18-anyos dalaga ang binawian ng buhay ang isang 18-anyos dalaga at kanyang 10-anyos kapatid matapos makulong sa kanilang nasusunog na bahay sa Brgy. Talisay, bayan ng Catarman, lalawigan ng Northern Samar, nitong Lunes, 2 Mayo.

Ayon kay S/Insp. Darwin Orsolino, Catarman fire marshall, nagsimula ang sunog dakong 4:30 am kahapon sa tahanan ng mag-asawang Manuel at Rosanie Bautista.

Sa kasamaang palad, bigong nakalabas ang 18-anyos anak nilang babae at 10-anyos anak nilang lalaki dahil hindi sila agad nagising.

Ayon kay Orsolino, nagising ang dalagang anak ng mag-asawa at sumigaw upang humingi ng tulong ngunit hindi na nagawang makalabas ng dalawa dahil malaki na ang apoy.

Natupok din ng apoy ang kalapit na bahay ng mag-asawang Delfin at Marites Oronos.

Tuluyang naapula ang sunog dakong 5:45 am kahapon.

Patuloy ang imbestigasyon ng mga awtoridad upang matukoy ang sanhi ng sunog.

Dagdag ni Orsolino, tinitingnan nilang posibilidad ang nag-overheat na ceiling fan at maaaring sa pangalawang palapag nagsimula ang sunog na mabilis na kumalat dahil gawa sa light materials ang bahay.

Tinatayang nagkakahalaga ng P600,000 ang napinsalang ari-arian. (Mga ulat nina ALMAR DANGUILAN at KARLA OROZCO)

About Almar Danguilan

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …