Saturday , May 28 2022
Onyx Crisologo Mike Defensor Rodante Marcoleta

QC voters: Defensor at Crisologo dapat sumunod na kay Marcoleta

PINAGRERESIGN na rin ng mga botante ng Quezon City si Anakalusugan Partylist Representative Mike Defensor at First District Representative Onyx Crisologo sa kanilang paghahangad na tumakbo bilang Mayor at Congressman ng lungsod at gayahin na lang ang ginawa ni SAGIP Partyist Representative Rodante Marcoleta na umatras na sa kanyang pagtakbo bilang senador.

“Tulad ni Marcoleta, hindi rin maganda ang kanilang rating. At gaya ni Marcoleta marami na silang sablay, kasama sila ni Marcoleta sa pagpapasara sa ABS-CBN at iba pang mga anomalya sa Kongreso. Alam ng mga taga-QC ang mga ito. Sayang lang ang magiging pagod at pera nila,” ang sabi ni Cora Sevilla, taga-pagsalita ng Inisang Samahang Aasahan (ISA), pinaka-malaking organisasyon ng iba’t-ibang samahan sa District 1.

Matatandaang ‘nag-resign’ si Marcoleta sa paglakandidato bilang senador noong nakaraang linggo matapos mapagtanto nito na Wala siyang ikapapanalo.

Ang number 1 choice na senatorial candidate ng tambalang BBM-SARA, na si Marcoleta, ay wala man lang sa listahan ng “magic 12” sa mga iniulat na mga survey at kahulihang survey ay ipinakitang pang-26 ang Kongresista sa listahan.

“Mas-mainam na gayahin na nila Defensor at Crisologo at ng kanilang mga kamag-anak pang nagsisipag-takbo dito sa Quezon City ang ginawa ni Marcoleta,” dagdag pa ni Sevilla.

Sa mga huling survey sa lungsod, malayong nalalamangan ng kanilang mga katunggali sa pwesto ng pagka-Mayor at Congressman ang dalawa.

Si Defensor ay may 30 porsiyento lamang ng mga botante na pabor sa kanya, laban sa 68 porsiyentong nagtitiwala pa rin Kay Quezon City Mayor Joy Belmonte.

Samantalang si Crisologo naman, bagamat halos dikit sa laban kay Arjo Atayde ay may tatak din ng pagsasara sa ABS-CBN, ang number 1 TV station na pinapanood ng maraming taga-Quezon City.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …