Tuesday , March 19 2024
SM Aura Electronic Vehicles EV Charging

Para makatipid at makapag-enjoy habang nasa mall
EV CHARGING INILUNSAD NG SM MALLS

INILUNSAD ng SM Malls ang Electronic Vehicles (EV) Charging sa SM Aura kasunod ang paglulunsad nito sa tatlo pa nilang SM Malls.

Kabilang dito ang SM MOA, SM Megamall at SM North EDSA.

Ayon kay Steven Tan, Pangulo ng SM Prime Holdings bahagi ito ng kanilang programang Cyber Greening.

Dito ay nais nilang makatulong na mabawasan ang polusyong naidudulot ng mga usok ng sasakyan mula sa kanilang tambutso sa paggamit ng gasolina.

Tiniyak ni Tan, libre ang kanilang charging station at ito ay kanilang papalawagin sa iba’t ibang branch ng SM Malls.

Masayang sinabi ni Tan, sa naturang EV Charging ay nakatipid na sa koryente at pagbili ng gasoline, nakatulong pa sa kalikasan habang nagre-relax sa loob ng mga mall.

Habang nagta-charge ay maaaring makipag-meeting, mamili sa grocery at department store, kumain at maglibot-libot sa kanilang mga paboritong mga shop at maaari rin manood ng sine, maglaro ang mga bata at mag-enjoy sa kanilang family bonding.

Bukod dito, sinabi ni Tan, target nilang sa katapusan ng taon ay maging 50 porsiyento sa lahat ng SM Malls na ang gamit ay renewable energy.

Sinabi ni Tan, kung makatitipid sila sa elektrisidad at makatutulong sa pamahalaan para sa pagtitipid ay malaking bagay para sa ating inang kalikasan.

Katuwang ng SM Malls sa programa ang Department of Trade and Industry (DTI), Department of Environment and Natural Resources (DENR), Department of Transportation (DOTr), Department of Science and Technology (DOST), at Department of Energy (DOE).

Nagpahayag ng kani-kanilang mga pananaw at suporta ang mga kinatawan ng mga katuwang na ahensiya ng pamahalaan sa programang Cyber Greening ng SM Prime Holdings.

Ayon kay Trade and Industry Secretary Ramon  Lopez, handa rin sumuporta ang pamahalaan sa mga nais maglunsad ng naturang programa.

Tinukoy ng mga kinatawan ng pamahalaan na naglunsad ng ganitong uri ng programa ngunit para lamang sa e-trike, e-jeepney, at e-bike.

Umaasa ang bawat mahihikayat ng publiko na lumipat sa paggamit ng Electric Vehicle dahil bukod sa makatitipid ay malaking kontribusyon ito para lalong mapangalagaan at maprotektahan ang inang kalikasan.  (NIÑO ACLAN)

About Niño Aclan

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …