Friday , March 29 2024
MRRD Central Luzon Leni Robredo
kuha ni EJ Drew

MRRD Central Luzon lumipat kay VP Leni

NANINDIGAN ang pro-Duterte volunteer group na Mayor Rodrigo Roa Duterte – National Executive Coordinating Committee (MRRD-NECC) mula sa Central Luzon chapter sa kanilang deklarasyon na suportahan ang kandidatura ni Vice President Leni Robredo.

Inilipat ng Mayor Rodrigo Roa Duterte Agila Central Luzon Chapter, sumasaklaw sa 8,000 kasapi ang kanilang suporta mula kay Mayor Isko tungo kay  VP Leni.

Ipinaliwanag ni MRRD Agila Region 3 Bulacan Chapter head Rolando Torres, ang desisyon ng kanyang grupo ay kolektibong desisyon na lumipat kay VP Leni pagkatapos ng ilang konsultasyon sa kanilang mga pinuno at miyembro.

Napagkaisahan nila at pinaniniwalaan na si VP Leni  ang may kakayahang mamuno, halos walang dungis sa track record at naitala nang mahusay sa kanyang panunungkulan.

Nang tanungin tungkol sa kanilang napiling kandidato sa pagka-bise presidente, sinabi ni Torres, bukas pa rin ang kanilang grupo at gagamitin ang kanilang kalayaan sa pagpili.

Sinabi ni MRRD Agila Bulacan Chapter Director Sophie Macmod, sa kanyang murang edad noon ay  marami siyang pinagdaanan na pangamba sa panahon ng Batas Militar.

Tinutugis sila ng mga militar sa pag-aakalang ang kanyang kaanak ay mga rebelde.

Aniya, ayaw niyang manumbalik ang madilim na karanasan ng panahon ng Batas Militar at naniniwala siya sa magandang bukas na inihahain ni VP Leni.

Sinabi i MRRD Agila Valenzuela Chapter head Alejandro Cabasag, hindi sila tumitingin sa mga kulay at walang nagsabi na pumunta sa pula. Hinihikayat niya ang higit pang mga kapanalig na lumantad  at  manindigan na suportahan si VP Leni.

Ipinahayag nina dating MMDA General Manager Tim Orbos, DENR Asec Rommel Abesamis, at IMk Leni Convenor Elmer Argano na  malugod nilang tinatanggap ang grupo at ang kanilang desisyon na magkaisa at mangampanya para sa presidential bid ni VP Leni.

Malugod na tinatanggap ni Orbos ang grupo, sinabi niyang kinikilala niya ang kahalagahan ng lahat ng tulong, lalo ang Bulacan at Central Luzon sa kampanya ni VP Leni na kakaunting oras na lang ang natitira sa panahon ng halalan. (NIÑO ACLAN)

About Niño Aclan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …