Saturday , May 28 2022
Ferdinand Topacio Dick Gordon Director Linconn Ong Mohit Dargani Pharmally

CA at Senado pinuna,
PHARMALLY EXECUTIVES NAKAKULONG PA RIN KAHIT WALANG KASO

HINDI naitago ni Atty. Ferdinand Topacio ang pagkadesmaya sa Senado at Court of Appeals (CA) sa ginagawa nitong pang-iisnab sa kaso ng dalawang Pharmally Executives na anim na buwan nang nakakulong sa Pasay City Jail nang walang kinahaharap na criminal case.

Sa isang mahabang tweet, inilabas ni Topacio ang sama ng loob sa patuloy na paglabag sa due process at kawalang pakialam ng Senado sa kalagayan nina Pharmally Director Linconn Ong at Pharmally Secretary Mohit Dargani, matapos sampahan ng contempt at ipakulong noong nakaraang taon sa isang Senate investigation ay hinayaan nang mabulok sa kulungan dahil abala ang mga senador sa pangangampanya.

“In the heat of the campaign, we seemed to have forgotten that my client, Mohit Dargani, has been languishing in jail with no charges, much less a crime committed, but due only to one Senator’s pride,” nakasaad sa tweet ni Topacio.

Sina Senate President Tito Sotto at Sen. Panfilo Lacson ay una nang nagsabing pabor silang palayain na ang dalawa dahil naka-recess ang Senado at  tapos na ang kanilang  imbestigasyon sa Pharmally mess ngunit hanggang sa kasalukuyan ay hindi pa rin nagpapalabas ng clearance para sa kanilang paglaya si Senate Blue Ribbon Committee Chairman Sen. Dick Gordon na may hurisdiksyon sa isyu.

Ayon kay Topacio, nagpasaklolo sila sa CA at naghain ng habeas corpus petition dahil sa illegal detention ngunit nakalulungkot na inupuan din ito nang ilang buwan ng appellate court, ani Topacio, para umusad ang kaso ay kinailangan pa nilang magsampa ng kasong administratibo at motion to inhibit laban kay CA 5th Division Associate Justice Apolinario Bruselas.

Matatandaan, naging kontrobersiyal si Bruselas nang tanging siya lamang ang bumagsak sa 7 kandidato na sumalang sa public interview ng Judicial Bar Council para sa inaaplayang posisyon  bilang Associate Justice sa Supreme Court, naungkat kasi sa nasabing public interview ang administrative case na kinahaharap sa Judicial Integrity Board at ang delay sa pagresolba sa mga hawak na kaso.

Sa kasalukuyan, nag-inhibit na si Bruselas sa habeas corpus case at nai-raffle sa CA 4th Division sa sala nina Associate Justices Ramon Bato, Jr., Rafael Antonio Santos, at  Lorenza Bordios.

Sinabi ni Topacio, umaasa silang maaaksiyonan na ang petisyon dahil hindi lamang ang kalagayan ng kanyang kliyente ang nakasalalay dito kundi maging ng pamilya.

“Now that the habeas corpus case is before the 4th Division, we hope that the justices therein will do what becomes them as judges and take immediate action as the petition involves basic liberties. Justice delayed is truly justice denied not only for the litigants, but for their loved ones who also suffer especially when the head of the family is unfairly imprisoned,” pagtatapos ni Topacio.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …