MATABIL
ni John Fontanilla
AGAW-EKSENA si Andrea Brillantes sa matagumpay na Vax To Normal concert ng all female group na Calista sa Araneta Coliseum kagabi, April 26 nang biglang mangampanya bago kumanta.
Ani Andrea, “Sino ang mga Gen Z diyan? Alam n’yo na ang kulay ng suot ko (naka-pink na maihahalintulad sa Sailormoon).
“So alam n’yo na ang iboboto n’yo. Mga Gen Z maging matalino sa pagboto.”
Marami ang nagulat sa ginawa ni Andrea, kaya naman ‘di maiwasang may sumigaw ng, “Gagahhh Ka!” sa audience na marahil ay ‘di naibigan ang ginawa ng dalaga.
Kahit nga ang mismong director ng concert ng Calista ay nagulat din sa ginawa ni Andrea dahil wala naman iyon sa script nang matanong si Nico Faustino sa isinagawang presscon matapos ang concert.
Anang direktor, inirerespeto nito ang choice ni Andrea sa kung sino ang gusto niyang iboto pero iginiit nitong wala sa script ang sinabi ng batang aktres.
