Saturday , May 28 2022
Leni Robredo Froilan Calilung

Presidential race hihigpit kapag undecided voters kumampi kay VP Leni — analyst

HIHIGPIT ang karera sa pagkapangulo kapag pumanig ang tinatawag na ‘undecided’ na mga botante kay Vice President Leni Robredo sa darating na halalan sa Mayo, giit ng isang political analyst.

Ayon kay Froilan Calilung, nagtuturo ng political science sa University of Santo Tomas (UST), malaki ang epekto ng undecided voters sa resulta ng halalan kapag ibinoto nila si Robredo.

Una nang sinabi ng OCTA Research, nasa 20 porsiyento ng mga botanteng Filipino ang wala pang pinal na kandidato sa darating na halalan sa Mayo.

“Batay sa kanilang pag-aaral, if it is 20 percent, that is statistically significant lalo na kung malaki ang agwat ni Bongbong Marcos,” ani Calilung.

“But we could surmise na itong 20 percent na ito, if it goes in the way of VP Leni Robredo, may actually create a big effect on the voter turnout,” dagdag niya.

Sa pinakabagong Pulse Asia survey, nakakuha ng siyam na puntos na pagtaas si Robredo habang bumagsak si Marcos ng apat na puntos.

Sa hiwalay na panayam, sinabi ni OCTA Research president at UP Political Science professor Ranjit Rye maaari pang ligawan ng mga kandidato ang tinatawag na “soft votes” o iyong hindi pa nakapagdedesisyon kung sino ang iboboto.

“They are a bunch of 50-50 voters who are, you know, on the fence. If put that, those who are likely to change their votes… that’s still quite a number,” wika ni Rye.

Hinikayat ni Rye ang mga botante na huwag ibase ang kanilang pasya sa resulta ng survey at sa halip ikonsidera ang plataporma, programa at pangarap ng mga kandidato para sa bansa.

“Ang dapat basehan ‘yung program, platforms, pangarap ng mga candidates para sa ating bansa,” sabi pa ni Rye.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …