Saturday , May 28 2022
Marcy Teodoro

Marikina Mayor Marcy Teodoro tahimik sa kinukuwestiyong P600M covid funds ng COA

BIGO pa rin ang Marikina local government na sagutin ang Commission on Audit (COA) sa kinukuwestiyong P600 milyong COVID-19 procurement transactions ng lungsod na pawang hindi dumaan sa kompletong dokomentasyon.

Sa 2020 annual audit report ng COA ukol sa Marikina City government sinabi nito na P200.51 milyon ang ini-award nitong kontrata sa iba’t ibang supplier na walang dokumentasyon habang wala rin transparency sa P457.66 milyon procurement deals sa ilalim ng emergency purchase ng Bayanihan I at Bayanihan II funds.

Sinabi ng COA audit examiners dahil emergency purchase transactions ang paggamit sa pondo, mahalaga ang documentary requirements, malinaw itong nakasaad sa Government Procurement Policy Board Circular No. 01-2020( RA 9184) at Presidential Decree 1445 o Government Auditing Code of the Philippines.

Lumitaw na ang transaksiyon ng lunsgod sa pagbili ng covid materials ay hindi naipaskil sa Government Procurement Policy Board online portal.

Ang pagpapaskil ng mga transaksiyon  ay itinatakda para sa transparency at accountability sa government procurements.

“Mayor Marcelino Teodoro should require the Bidding and Awards Committee (BAC) to comply with the posting requirements for government transactions to ensure transparency and accountability,” nakasaad sa COA report.

Inatasan ng COA si Teodoro na ipaliwanag ang hindi pagpapaskil ng mga procurement projects ng lungsod. Iginiit ng COA ang pagtiyak na nasusunod ang panuntunan sa procurement ay responsibilidad ng alkalde.

“Examination of the 48 disbursement vouchers with total contract cost of P200,516,330 revealed that 34 procurement transactions were not supported with Mayor’s Permit and Business/Income Tax returns, while 36 of which had no Omnibus Sworn Statement,”saad sa report.

Bukod sa kuwestiyonableng transaksiyon pinuna rin ng COA ang late deliveries sa mga biniling supply ng Marikina LGU ngunit hindi pinatawan ng penalty ang mga supplier.

“Thirteen purchase orders totaling P20.585 million in CY 2020 were made beyond the delivery terms specified in the POs (purchase orders) and total penalties of P.502 million were not imposed on late deliveries,” giit ng COA.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

Angkas

Angkas rider binaril ng tandem

Malubhang nasugatan ang isang Angkas rider makaraang barilin ng ‘riding-in-tandem’ sa U-Turn slot sa Commonwealth …

arrest prison

Sa Malabon at Navotas…
5 TIKLO SA SHABU AT MARIJUANA

SHOOT sa kulungan ang limang bagong identified drug personalities (idp’s) matapos madakma sa magkahiwalay na …

arrest, posas, fingerprints

Wanted na misis, arestado sa Navotas

ARESTADO ang isang misis matapos matyempuhan ng pulisya dala ang  warrant of arrest sa Navotas …