Saturday , May 28 2022
AKSYON AGAD ni Almar Danguilan
AKSYON AGAD ni Almar Danguilan

 ‘Small fish’ lang kayang bingwitin ng Senado

AKSYON AGAD
ni Almar Danguilan

SA TUWING may Senate inquiry, nakabibilib ang nakararami sa mga mambabatas natin. Bakit? Paano kasi, ipinakikita nilang siga o makapangayihan sila – kasi nga naman ipinaaaresto at ipinakukulong nila ang mga isinasalang na hindi nakikiisa sa kanila o ayaw kumanta.

Ang tanong nga lang e, hanggang saan ang abot ng kamay ng kasigaan ng Senado? Ibig kong sabihin, kaya ba nilang magpakulong ng mga ikinokonsiderang maimpluwensiyang akusado, lalo na kapag may kapit sa itaas? Teka baka naman hanggang maliit na isda lang ang yakang-yaka nila.

Ano sa palagay ninyo mga suki?

Tulad nitong makontrobersiyal na senate investigation nitong nakaraang taon – pagdinig sa overpricing (daw) sa pagbili ng COVID materials ng Pharmally Pharmaceuticals Inc. Sa pagdinig, maraming iniutos ang Senate Blue Ribbon Committee sa pamumuno ni Senador Dick Gordon, parusahan matapos sampahan ng contempt dahil sa ilang ulit na pagbabalewala sa hearing. Iyon bang hindi sila dumalo sa pagdinig.

Hindi naman lingid sa kaalaman ng bayan, na isa sa kasama sa iniimbestigahan na maituturing na ‘malaking isda’ sa Pharmally mess ay si Rose Nono Lin, ang corporate treasurer at incorporator ng Pharmally Biologicals Incorporated na iba sa  Pharmally Pharmaceutical Corporation.

Nabuko sa hearing na si Lin ay close business associate ng dating adviser ni Pangulong Duterte na si Michael Yang, ang financier at guarantor ng Pharmally Pharmaceuticals.

Kung susuriin, lumalabas na malalim ang koneksiyon ni Lin kay Yang dahil ang asawa nito na si Lin Weixiong, ay  associate din ni Yang na nagsimula ng POGO  business (Philippine offshore gaming operator) na Xionwei Technology Company.

Hayun, dahil nga sa pang-iisnab sa ‘poging’ gaya ni Gordon, ipinaaaresto ng mambabatas sina Lin at Yang. Nadakip ba? Hindi pero, hinanap naman ng awtoridad.

Iyon nga lang, tila hindi umubra ang kasigaan ng komite kay Lin. Aba’y sa pamamagitan lang ng isang liham ng mga abogado ni Lin na may gastric illness ang kanilang kliyente, e agad na kumambiyo si Gordon. Hehehe, nawala ang ‘kasigaan’ ni Gordon at sinabing bilang humanitarian consideration ay kinansela ang pag aresto kay Lin. Hahaha…paano kaya kung maliit na isda si Lin, ikokonsidera rin kaya ng komite ang “excuse slip” nito? Hehehe better bring your parents.

Nasaan na ngayon si Lin? Si Lin, hayun for your information Mr. Senador Gordon, si Lin ay abalang-abala sa pangangampanya para sa nalalapit na eleksiyon at…higit sa lahat ay walang sakit. Oo, tumatakbo kasi ito bilang Congressman ng 5th District ng Quezon City.

Katunayan nga e, kamakailan lamang, sinampahan ng kasong vote buying si Lin sa Commission on Elections (Comelec) kasama ang 16 iba pa dahil sa pamimigay (daw) ng P500 sa mga botante na sinasabing ayuda o scholarship. Totoo ba itong akusasyon sa inyo Congressman Lin? Hehehe…kita n’yo naman, mambabatas na kayo sa inyong lingkod. Ayos ba? Hahahaha asar po ba?

Ano pa man, wala pang sagot si Lin sa vote buying allegation pero ayon kay Comelec Commissioner George Garcia ay magpapalabas na ng subpoena ang poll body ukol sa inihaing reklamo.

Bukod kay Lin ay off the hook na rin si Yang sa Pharmally mess na ngayon ay nasa Davao at nakikitang naglalaro ng golf.

Kung off the hook  na ang mga big fish ng Pharmally ay nakakulong naman ang mga ‘small fish,’ sina Pharmally Secretary Mohit Dargani at Pharmally Director Linconn Ong na kapwa hindi nang-isnab ng Senate hearing, matapang na humarap sa mga senador para sagutin ang mga tanong ang siyang ipinakulong at kinasuhan ng contempt.

Mula noong Nobyembre ay nakakulong ang dalawa sa Pasay City Court, ipinaglalaban ng kanilang abogado na mapalaya sila dahil tapos na ang imbestigasyon ng Senado sa Pharmally mess kaya wala nang dahilan para sa  patuloy na pagkakadetine sa kasong contempt ngunit tila bingi si Sen. Gordon sa kanilang apela.

About Almar Danguilan

Check Also

PROMDI ni Fernan AngelesI

Murang kuryente, langis possible kahit hindi ibasura tax measures

PROMDIni Fernan Angeles KUNG gusto may paraan. Ito ang diin ni Energy Undersecretary Benito Ranque …

Krystall Herbal FGO Fely Guy Ong

Stiff neck tanggal agad sa machine therapy at Krystall products

Dear Sis Fely, Magandang araw po sa inyo Sis Soly Guy Lee at Sis Fely …

AKSYON AGAD ni Almar Danguilan

Leadership ni QC Jail Warden Supt. Bonto, sinasabotahe

AKSYON AGADni Almar Danguilan Malalamang na desperado-desperado ngayon ang “mastermind” sa layuning mapalitan si Quezon …

PROMDI ni Fernan AngelesI

Ambisyong maging DOE Secretary ni Devanadera, napurnada pa yata

PROMDIni Fernan Angeles SA GITNA NG KRISIS sa enerhiya, higit na angkop para sa Department …

USAPING BAYAN ni Nelson Flores

Tambak na wiped out pa

USAPING BAYANRev. Fr. Nelson Flores, MSCK, JD. TAPOS na ang halalan pero hanggang ngayon ay …