Thursday , May 26 2022
Alan Peter Cayetano online sabong 4

Gobyerno agrabyado
E-SABONG IPAGBAWAL, GANANSIYA IMBUDO SA ISANG TAO — CAYETANO

TAHASANG sinabi ni senatorial candidate, dating House Speaker at Senator Alan Peter Cayetano, kung siya ang tatanungin nais niyang ipagbawal ang E-sabong o kahit anong online gambling sa bansa, ngunit kung talagang kailangan ng pera at pagkakakitaan ng pamahalaan ay walang problema, ngunit kailangang itama ang kita ng pamahalaan.

Ayon kay Cayetano, kung ang pagbabasehan ay ang kasalukuyang kita ng pamahalaan, kitang-kita na isang tao lamang ang nakikinabang dito.

Tinukoy ni Cayetano, ang tanging kumikita ay operator/s na kontrolado ang mga ahente kaya luging-lugi ang pamahalaan.

Ikinompara ni Cayetano ang e-sabong sa lotto na ang kinikita ay talagang napupunta sa pamahalaan sa pamamagitan ng direktang buwis sa Bureau of Internal Revenue (BIR) at ang nagkokontrol sa mga ahente na napagkalooban ng lisensiyang mag-operate ng Lotto ay direkta sa Philippine Charity and Sweepstakes Office (PCSO).

Tinuos ni Cayetano, sa loob ng limang taon ay kikita ang pamahalaan ng P7.68 bilyon kompara sa kinikita ng e-sabong operator na P36 bilyon na kinabibilangana ng P18 bilyon mula sa kanilang operasyon at P18 bilyon para sa siguradong kita.

Ipununto ni Cayetano, walang malalaking negosyo o negosyante sa bansa ang kayang kumita ng isang bilyong piso sa loob ng isang taon.

Dahil dito iginiit ni Cayetano, kung hindi talaga kaya tanggalin ang e-sabong ay dapat baliktarin ang sistema o pamamaraan.

Aniya, dapat ang kumikita ng P36 bilyon ay ang pamahalaan at tanging P7.68 bilyon sa operator/s.

Kaugnay nito nanawagan si Cayetano sa kanyang mga kapwa kandidato sa iba’t ibang puwesto, sa sandaling alukin sila ng  ilang operator ng e-sabong kapalit ng kanilang pananahimik o pagsuporta sa sandaling sila ay manalo sa puwesto ay huwag isantabi ang kapakanan ng bayan.

Inamin ni Cayetano, noong siya ay House Speaker, mayroong nag-alok sa kanya ng malaking halaga kapalit ang pananahimik  ukol sa e-sabong ngunit kanya itong tinabla.

Aminado si Cayetano, mayroong banta sa kanyang buhay ukol sa pagsasalita ngunit sanay na siya at mas malala pa noon ang ilang isyu ng korupsiyon sa pamahalaan ang kanyang inilalantad.

Ani Cayetano, pinaalalahanan din siya ng ilan niyang kaibigan na manahimik sa bantang hindi siya titigilan upang malaglag sa darating na halalan ngunit hindi siya matatakot magsalita kahit animado siyang nais niyang manalo sa darating na halalan.

Tiniyak ng kandidatong nagbabalik sa Senado, kanyang kakausaping muli ang Pangulong Rodrigo Duterte upang ipawalinag ang lahat ng kanyang pag-aaral upang maibigay ang tamang datos at impormasyon dahil ‘mukhang’ mali ang ibinibigay sa kanya ng mga nakapaligid sa kanya.

Nagbanta rin si Cayetano sa kanyang mga kabigan sa PCSO na maging maingat at pag-aralang mabuti ang kontrata o kasunduang pinasok sa mga e-sabong operator dahil maaari silang maharap sa patong-patong na kaso ng katiwalaian dahil sa naturang kontrata.

Sa huli, sinabi ni Cayetano na kawawa ang taong bayan at maliliit na mamamyan na nalululong sa naturang online gambling dahil mas masahol pa sa isang naadik sa droga. (NIÑO ACLAN)

About Niño Aclan

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …