Thursday , March 30 2023
Bongbong Marcos Ferdinand Marcos

Bilang co-administrator ng yaman ng kanyang ama
MONEY LAUNDERING VS MARCOS JR., PUWEDENG IKASA

MAAARING sampahan ng paglabag sa Anti-Money Laundering law si presidential bet Ferdinand Marcos, Jr., bilang co-administrator ng mga kayamanang naiwan ng kanyang amang diktador na si Ferdinand Marcos, Sr.

Inihayag ito ni dating Presidential Commission on Good Government (PCGG) Commissioner Ruben Carranza sa panayam sa The Source sa CNN Philippines kahapon.

Ipinaliwanag ni Carranza, marami pang nakaw na yaman ang pamilya Marcos na hindi pa nababawi ng pamahalaan at may malaking papel si Marcos, Jr., rito dahil alam niya kung ano ang mga ito at batid niyang nakamit ito sa ilegal na pamamaraan.

“Marcos Jr., is the co-administrator of the estate of his father, together with his mother (Imelda) and he has been hiding these assets,” ani Carranza.

Dapat aniyang maging hiwalay na basehan ito para sa isang kasong kriminal na money laundering na puwedeng isampa laban kay Marcos, Jr.

Tinukoy ni Carranza ang desisyon ng Korte Suprema noong 2003 na nagsasaad na ang kayamanan ng mag-asawang Marcos (Ferdinand at Imelda) na labis sa legal nilang kinitang US$304,000 o katumbas ngayon ay P15 milyon, ay maituturing na ill-gotten o ninakaw.

“The filing of an anti-money laundering complaint must be based on what is called a predicate offense –an offense in which you acquired assets that are ill-gotten that you tried to launder,” aniya.

“Lalabhan mo ‘yan para maging malinis at maitago mo ang kanyang maruming pinanggalingan. The predicate offense in this case is corruption, the predicate offense is hoarding and hiding ill-gotten wealth which is a finding that was already deemed final and executory from 2003,” ani Carranza.

Anoman aniyang pagtatangka ni Marcos, Jr., para itago ang assets ng kanyang ama na bahagi ng nakaw na yaman ay puwedeng habulin nang kusa (motu proprio) ng Anti-Money Laundering Council o maaaring magsampa ng kaso ang sinoman sa AMLC upang maimbestigahan ang presidential bet sa kasong money laundering.

Binigyan diin ni Carranza na walang puwedeng idahilan ang pamilya Marcos para hindi bayaran ang utang na P203-bilyong estate tax dahil noon pang 1997 final and executory ang desisyon ng Korte Suprema taliwas sa pahayag ng kampo ni Marcos, Jr., na nakabinbin pa ito sa hukuman.

Kailangan aniyang igiit ng Bureau of Internal Revenue (BIR) ang paniningil sa mga Marcos at humiling sa mga banko ng mga detalye kaugnay ng kanilang yaman dahil batay sa Internal Revenue Code, hindi saklaw ng Bank Secrecy Law ang usapin ng pagkakautang sa estate taxes. (ROSE NOVENARIO)

About Rose Novenario

Check Also

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …