Bea happy sa pagbubuntis ni Angelica
MATABIL
ni John Fontanilla
GAME na sinagot ni Bea Alonzo ang mga katanungan ng entertainment press na dumalo sa launching niya bilang ambassador ng Beautederm na isinagawa sa Luxent Hotel. Iniendoso nito ang Beautéderm REIKO Slimaxine at REIKO Fitox.
Natanong si Bea ukol sa kanyang buhay pag-ibig gayundin ang ukol sa mga kaibigan niyang sina Anne Curtis, Angel Locsin, Angelica Panganiban, at Dimples Romana. Dalawa sila ni Angelica na wala pang pamilya pero masaya si Angelica sa pag-aming buntis ito sa kasalukuyan samantalang si Bea ay happy din sa kanyang relasyon kay Dominic Roque.
At kahit wala pa sa plano ng Drama Queen ang pag-aasawa, happy naman ito sa kanyang mga kaibigan lalo na kay Angelica na malapit nang maging mommy.
“Ako masasabi ko siyempre, i’m very very happy for my friends, lalo na si Angge.
“Alam ko talaga na ‘yun ang matagal na niyang gusto, na magkaroon ng baby. So I’m very very happy for her.
“Pero siyempre, may kanya-kanya tayong timeline, hindi naman ako mape-pressure because all of my friends are married or gonna get married or having babies,
“Sa totoo lang, kung na-pressure ako, parang dapat 5 years or 4 years ago kasi ‘yung mga kaibigan ko from high school, mga nagsipag-asawa na saka mga nagsipag-anak na.
“So ‘yun nga! Parang kanya-kanya tayo ng ano eh, kanya-kanya tao ng kumpas sa buhay, kanya-kanya tayo ng struggles, kanya-kanya tayo ng blessings, and I refuse to be compared to these wonderful women kasi kanya-kanya tayo ng strength and weaknesses.”
Sa ngayon nga ay hindi prioridad ni Bea ang pag-aasawa lalo na’t napakaraming proyekto ang kanyang gagawin. Isa na rito ang seryeng pagsasamahan nila ni Alden Richards.
