Saturday , May 28 2022
Alex Lopez Raymond Bagatsing

Tambalang Lopez-Bagatsing nagsimba, nakiisa at nagsilbi kasama ang ‘KAMPIL’

MAS PINILI nina mayoralty candidate Atty. Alex Lopez at vice mayor bet Raymond Bagatsing ang pagdalo sa Banal na Misa, makiisa sa mga taga-Tondo at magsilbi kasama ang mga lider at volunteers ng Kalipunan ng Masang Filipino (KAMPIL) imbes magsagawa ng isang proklamasyon rally sa unang araw ng kampanya ng mga lokal na kandidato para sa 2022 elections.

Maagang nagtungo sina Lopez at  Bagatsing sa simbahan ng St. Joseph Parish sa Gagalangin, Tondo upang humingi ng basbas at gabayan sila sa kanilang pangangampanya.

Matapos ang Banal na Misa, nagtungo ang tandem sa Juan Luna, Gagalangin, Tondo at kinumusta ang sitwasyon ng mga residente sa naturang lugar.

Nagawa rin nilang maipahayag sa kanilang mga nakausap ang ilan sa kanilang mga plataporma de gobyerno o plano para sa lungsod ng Maynila sa sandaling mahalal sila sampu ng kanilang konseho.

Walang sinayang na oras sa unang araw ng kampanya ang tambalang Lopez-Bagatsing upang kanilang makadaumpang palad ang bawat Manileño.

Dumalo din ang magka-tandem sa isang pagtitipon ng mga kabataan, na sinabing ang tandem ang nasa puso nila at bahagi ng kanilang mga programa.

Nakiisa rin sila sa mga lider at volunteers ng KAMPIL sa isinagawang Medical and Dental mission na ginanap sa Loreto Church, Sampaloc, Maynila.

Umaasa sina Atty. Alex at Raymond na makukumbinsi nila ang mayoryang botanteng Manilenyo para suportahan sila sa kanilang kandidatura sampu ng kanilang mga kasamang konsehal at kongresista sa anim na distrito ng Maynila.

Nagpapasalamat sina Lopez at Bagatsing sa mainit na pagtanggap at pagsalubong sa kanila ng mga Manilenyo.

Nanindigan sina Lopez at Bagatsing na muli nilang bubuhayin at babaguhin ang imahen ng lungsod at umasang direkta at sapat na serbisyo sa bawat Manilenyo.

Patutunayan ng tambalang Alex at Raymond na sila ang tunay na magiging pinuno ng lungsod na may puso at malasakit para sa kanilang kapwa Manilenyo at magbabangon sa lugmok na lungsod.

About hataw tabloid

Check Also

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

Jomari Yllana, Abby Viduya, Priscilla Almeda

Abby masaya sa pagwawagi ni Jomari

MATABILni John Fontanilla MASAYANG-MASAYA si Abby Viduya sa pagkapanalo ni Jomari Yllana bilang councilor ng District 1 ng  Parañaque. …

Vice Ganda

Nasaan na nga ba si Vice Ganda?

HEY! Hey! Hey! What happened na sa mga artistang sumampa sa entablado with matching grand …

Mercraft 2 RORO fire Real Quezon

Sa Real, Quezon
7 PATAY, 23 SUGATAN SA NASUNOG NA RORO

PITONG pasahero ang namatay habang 23 ang sugatan nang masunog ang Mercraft 2, isang roll-on-roll-off …

Senate Congress Comelec Election Certificates of Canvass

NBoC panel sa senado kompleto na

BUO na ang hanay ng mga senador para sa pitong-miyembrong panel ng bicameral National Board …