MA at PA
ni Rommel Placente
NOONG Saturday, March 19, 2022, ipinost ni Barbie Imperial sa kanyang Instagram account ang picture niya habang nagpapakulay ng red sa buhok. Ang caption niya rito, “b**ch u better be joking [emojis] red hair!!! finally thank you @hairticulturebycarldana [emojis]”
Nag-comment ang ex-boyfriend ni Barbie na si Diego Loyzaga sa comment section. Sabi ng aktor, “Poison Ivy?”
Sinagot naman ni Barbie ang comment na ‘yun ng aktor. Sabi niya, “Ako nga pala ‘yung sinayang mo. Hahahaha.”
Sa palitan na ‘yun ng mensahe ng dalawa, may mga netizen na nag-comment na sana ay magkabalikan sila.
Pero malabo nang magkaroon ng part 2 ang relasyon nila. Sabi kasi ni Barbie sa mga interview niya before, after mag-break sila ni Diego, hindi na siya nakikipabalikan sa exes niya.
Sabi niya, “Based on experience, wala naman akong binalikan ever na ex.
“Dun na lang tayo sa experience na parang hindi na. Kasi nung time na yun na magkasama kami, sana yun na yung time na okay lahat.
“Na dun gagawin kung anuman ipu-prove ganito-ganyan.
“Parang you had your shot. I mean, Lord, please guide me. Sana wala na talaga!”
Noong naghiwalay naman sina Barbie at Diego ay napanatili nila ang pagkakaibigan. Kaya siguro, ganoon na lang sila kung magbiruan.
