Friday , May 27 2022
Bulacan Police PNP

Sa Bulacan
37 TIMBOG SA ANTI-CRIME DRIVE

ARESTADO ang may kabuuang 37 indibidwal, pawang nasa talaan ng mga lumabag sa batas sa ikinasang serye ng mga operasyon ng mga awtoridad sa iba’t ibang lugar sa lalawigan ng Bulacan nitong Linggo, 20 Marso.

Nadakip ng mga tracker teams ng mga police stations ng Bocaue, Malolos, at Paombong ang tatlo kataong matagal nang pinaghahanap ng batas na kinilalang sina Jonel Lu Pacanuayan ng Brgy. Longos, Malolos para sa kasong Reckless Imprudence Resulting in Physical Injury; Restituto Reyes ng Brgy. Binakod, Paombong para sa kasong Attempted Rape; at Luncio Bayana II ng Brgy. Bagumbayan, Bocaue para sa Lascivious Conduct sa ilalim ng Sec. 5(B) ng RA 7610 (Anti-Child Abuse Law).

Kasalukuyan nang nasa kustodiya ng kani-kanilang arresting unit/station ang mga akusado para sa kaukulang disposisyon.

Samantala, nagresulta ang ikinasang buy bust operation Station Drug Enforcement Unit (SDEU) ng Malolos CPS sa pagkakaaresto sa suspek na kinilalang si Frederick Talaguit ng Brgy. Bulihan, Malolos.

Nakompiska mula sa suspek ang tatlong pakete ng hinihinalang shabu, improvised glass pipe, pouch, cellphone, at buy bust money na ginamit sa operasyon.

Nahuli sa akto ang suspek na kinilalang si Wilfredo Arevalo ng Brgy. Lolomboy, Bocaue ng mga security personnel ng isang resort na bumababatak ng marijuana na nagresulta sa kanyang pagkakadakip.

Nasamsam mula sa suspek ang medium-sized plastic ziplock bag na naglalalaman ng hinihinalang tuyong dahon ng marijuana at disposable lighter na dinala sa Bulacan Provincial Forensic Unit (PFU) para sa karampatang pagsusuri.

Gayondin, sa paghahain ng search warrant laban kay Aron Lontoc ng Brgy. Frances, Calumpit, narekober ang isang kalibre.38 revolver, apat na bala, at itim na sling bag. Sinaksihan ng mga kinakailangang tauhan at ginawa nang naaayon sa isinasaad ng batas ang paghahain ng warrant.

Nasakote rin ang 37 sugarol sa serye ng anti-illegal gambling operations na isinagawa ng mga police stations ng Guiguinto, Malolos, Marilao, Meycauayan, Norzagaray, San Jose del Monte, Sta. Maria, at 2nd PMFC.

Nadakip ang 15 sa mga suspek sa pagkasangkot sa ilegal na tupada; 10 sa pagtaya sa illegal dice game; pito sa cara y cruz; at lima sa sugal na tong-its at pusoy.

Nakuha sa mga nadakip ang iba’t ibang gambling paraphernalia at bet money na nakatakdang sampahan ng nararapat na kaso sa hukuman. (MICKA BAUTISTA)

About Micka Bautista

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …