Friday , May 27 2022
gun dead

Helper, pinutukan ng kaalitan todas

PATAY ang isang helper matapos pagbabarilin ng matagal na niyang kaalitan sa loob ng isang palengke sa Malabon City, kahapon ng madaling araw.

Dead on the spot ang biktimang kinilalang si Gary Grape, 28 anyos, residente sa Luna II St., Brgy., San Agustin sa tama ng bala sa likod.

Pinaghahanap ng pulisya ang suspek na kinilalang si Michael Delos Santos, 29 anyos, laborer, residente sa Taganahan St., Bagumbayan South, Navotas City.

Batay sa pinagsamang ulat nina P/SSgt. Ernie Baroy at P/Cpl. Renz Marlon Baniqued kay Malabon police chief, Col. Albert Barot, dakong 2:00 am, naglalakad ang biktima sa loob ng Malabon Central Market sa F. Sevilla St., Brgy., Tañong nang biglang sumulpot ang suspek na armado ng hindi mabatid na uri ng baril at walang sabi-sabing pinagbabaril ang biktima sa likod.

Matapos ang insidente, mabilis na tumakas ang suspek sa hindi matukoy na direksiyon dala ang ginamit na baril habang naiwan ang duguan at walang buhay na katawan ng biktima.

Narekober ng nagrespondeng mga tauhan ng SOCO sa pangunguna ni P/Maj. Sonny Boy Tepace sa crime scence ang apat na basyo ng bala at isang deformed bullet.

Sa pahayag sa pulisya ng ilang saksi, may matagal ng alitan ang dalawa at pinagbantaan ng suspek ang biktima na papatayin kapag mabigyan siya ng pagkakataon. (ROMMEL SALES)

About Rommel Sales

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …