HATAW! D'yaryo ng Bayan hatawtabloid.com
HARD TALK
ni Pilar Mateo
MIYERKOLES ng gabi. MAY bisita ang pamilya ni Rey Abellana sa kanilang tahanan.
Sabi ng misis ni Rey na si Sheena, enjoy-enjoy lang sila. Kainan, inuman, at ang hindi nawawala sa get-together sa bahay nila, ang karaoke.
Pinaood ko ang videos shared by another guest, ang singer na si Marlon Mance at ni Sheena.
Ang galing talga ng boses niyong Mama. Hindi mo mahahalatang may pinagdaraanan pa o dinaanan na ba?
Suot pa rin naman nito ang wedding ring niya.
Pero, wala sa tabi ang kanyang magandang maybahay. Baka naman nasa ibaba lang kasama ang dalaga ni Rey.
May liwanag pa nang magsimula ang bonding at kantahan. Dumilim na eh, walang Carla kaming namulatawan.
Sige lang nang sige sa kakakanta si Tom Rodriguez kasama ang ilang miyembro ng 4th Generation ng Hagibis(Jack Delon and Ronald Gamboa) na nayaya rin sa salo-salo.
Ang saya-saya ni Tom.
Kaya gusto kong isipin na bago pa man ang katuwaan nila hanggang sa lumalim ang gabi, malamang na natapos na ang usapan o man-to-man talk sa kanilang mag-biyenan.
Kung anuman ang mga nabuksan, natuklasan, napagdesisyonan, napagkasunduan, eh sa mga bibig pa rin nina Tom at Carla magmumula sa mga darating na araw.
Marami naman ang nasaktan sa balitang naghiwalay na sila. Kaya kung ang pagdalaw na ‘yun ni Tom sa tahanan ng kanyang mga biyenan ay para maging maayos ang lahat, mas marami naman ang matutuwa!
Sana nga, roon na papunta ang naging usapan nina Tom at mga biyenan.
Sige kasi ang paglabas sa IG posts ni Carla sa ibinebenta niyang bahay at kasama ang mga kagamitan sa loob nito.
Secretive pa nga sa Abellana ang rason ng pagtuntong na ‘yun ni Tom sa bahay nila. Minus Carla nga ba?
Hindi naman siguro last time na tutuntong si Tom sa bahay na ‘yun!
Samantala, napag-alaman namin na isa sa ipinunta ni Tom kay Rey ay ang pagpapaalam na pupunta muna ito ng Amerika para magbakasyon. Hindi lang nalinaw sa amin kung magtatagal ba ito o kung hanggang kailan mananatili sa USA.
Hindi naman siguro masyadong magtatagal si Tom sa Amerika dahil may mga maiiwan siyang trabaho rito. Ang tiyak, magpapalamig siguro muna ito sa mga nangyayari sa kanila ngayon ni Carla.
