Thursday , May 26 2022
P9-M imported na pekeng sigarilyo, nakompiska ng BoC at PDEA

P9-M imported na pekeng sigarilyo, nakompiska ng BoC at PDEA

NAKOMPISKA ng Bureau of Customs (BoC), sa isang joint operations ng Manila International Container Port -Customs Intelligence and Investigation Service (MICP-CIIS) at Philippine Drug Enforcement Agency (PDEA), ang tinatayang aabot sa P9 milyong halaga ng mga imported na pekeng sigarilyo sa isang bodega sa Valenzuela City.

Armado ang composite team ng Letter of Authority (LOA) at Mission Order (MO) na nilagdaan ni Customs Commissioner Rey Leonardo Guerrero, nang inspeksiyonin ang bodega na naglalaman ng master cases ng mga imported na pekeng sigarilyo, gaya ng Marlboro reds, Mighty, Modern Cigarettes, Carnival, Red Golden Dragon (RGD) Classic, at iba pa.

Ang mga pakete ng sigarilyo ay nagtataglay ng pare-parehong Bureau of Internal Revenue (BIR) stamps at serial numbers.

Ibinahagi ni CIIS Director Jeoffrey C. Tacio na kaagad umaksiyon ang grupo nang makatanggap ng intelligence reports hinggil sa naturang warehouse.

“It is not even enough that we seize a whole warehouse, where these cigarettes without permits and legitimate stamps were found. We need to find the root of these operations,” ani Tacio.

Nabatid, nakita ng mga awtoridad sa naturang warehouse ang isang sasakyan sa storage area at nang inspeksiyonin ay dito nila natuklasan ang ilang master cases ng mga sigarilyo na nasa passenger seat at rear seats nito.

Inalis umano ng smugglers ang rear seats at ginamit ang espasyo upang itago at ibiyahe ang mga ilegal at pekeng sigarilyo.

Ang mga goods ay dinala na sa BoC premises, kung saan ito isasailalim sa seizure at forfeiture proceedings dahil sa paglabag sa Section 118 concerning Section 1113 ng Republic Act 10863 o The Customs Modernization and Tariff Act.

Pinuri ni Customs Deputy Commissioner for Intelligence Raniel Ramiro ang kanyang mga tauhan dahil sa naturang operasyon na nagresulta upang mapigilan ang distribusyon ng mga pekeng produktong sigarilyo at hindi na nakarating pa sa merkado.

“Our people trust us to do our jobs well, and that means ensuring that only safe and legal products enter our markets. It is upon the Bureau to protect the borders from these criminals, to free the local markets from illegal practices that put our efforts into question,” aniya.

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …