Saturday , May 28 2022
Bulacan Police PNP

13 wanted persons, 5 drug suspects nasakote sa Bulacan

ISA-ISANG nahulog sa kamay ng batas ang 13 wanted persons pati ang limang drug suspects sa matagumpay na operasyon laban sa krimen ng pulisya sa lalawigan ng Bulacan hanggang Martes ng umaga, 15 Marso.

Sa ulat na ipinadala ni PNP Bulacan Acting Provincial Director P/Col. Rommel Ochave, kay PRO3 Regional Director P/BGen. Matthew Baccay, nagtulong-tulong ang tracker teams ng Provincial Intelligence Unit (PIU), CIDG Bulacan, mga police stations ng Baliwag, Bocaue, Paombong, San Rafael, Plaridel, Bustos, Meycauayan, at 2nd PMFC na magsagawa ng serye ng manhunt operations na nagbunga sa pagkakaaresto ng 13 wanted na kriminal, sa bisa ng warrant of arrest (WOA).

Kinilala ang mga nadakip na suspek na sina Ericson Sison, alyas Ricky/Punit ng Brgy. Tugatog, Meycauyan sa kasong Robbery; Jayson Nacario ng Brgy. Panginay, Balagtas, sa kasong Acts of Lasciviousness; Rodolfo Leonardo ng Brgy. Panginay, Balagtas sa kasong Attempted Homicide; Mary Niel Santos ng Brgy. Tangos, Baliwag, Estafa; Irra Reniel Alvarez ng Brgy. Pagala, Baliwag, Estafa; Lovelyn Rodero ng Brgy. Antipona, Bocaue, Swindling (Estafa); Aaron Percival Bernardo ng Brgy. San Isidro II, Paombong, sa paglabag sa Access Devices Regulation Act of 1998 (Credit Card Violation Act) ng RA 8484 na inamyendahan ng RA 11449; Alex Isip ng Brgy. Pulo, San Rafael, Malicious Mischief; Billy Eusebio ng Brgy. Sipat, Plaridel, paglabag sa RA 9165; Emma Condeno Brgy. San Pedro, San Jose del Monte, Slight Illegal Detention; Elias Agustin, alyas Barete ng Brgy. Lolomboy, Bocaue, Serious Physical Injuries; Jhodie Erlandez ng Bgry. Tambubong, San Rafael, Qualified Theft; at Cathleen Jordan ng Bgry. San Pedro, Bustos, Qualified Theft.

Samantala, nadakip sa serye ng anti-drug bust operation na ikinasa ng Station Drug Enforcement Unit (SDEU) ng mga police stations ng San Jose del Monte, Marilao at Pandi ang mga hinihinalang drug peddlers na kinilalang sina Mark Joseph Aguilar, alyas Piyok ng Brgy. Gumaoc East, San Jose del Monte; Daniel Bobis, alyas Dan, ng Brgy. Lawa, Marilao; Jesus Fajardo, alyas Jess ng Brgy. San Juan, Balagtas; Axcel Justine Amurao, alyas Gimo ng Brgy. Cacarong Bata, Pandi; at Jose Nicolo Luis ng Brgy. Bunsuran 2nd, Pandi.

Nasamsam mula sa pag-iingat ng mga suspek ang kabuuang pitong pakete ng hinihinalang shabu at dalawang pakete ng marijuana kabilang ang buy bust money na ginamit sa operasyon.

Ayon kay PRO 3 Regional Director P/BGen. Baccay, ang pulisya sa Central Luzon ay mananatiling mapagmatyag sa mga kriminal na gumagala sa rehiyon. (MICKA BAUTISTA)

About Micka Bautista

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …