Saturday , May 28 2022
ping lacson reference id

 Surveys are not elections — Lacson

TAHASANG sinabi ni presidential candidate Senador Panfilo “Ping” Lacson, ang survey ay hindi eleksiyon, matapos hingan ng reaksiyon ukol sa resulta ng pinakahuling survey.

Ayon kay Lacson ang eleksiyon sa 9 May 2022 ang totoong survey dahil mismong ang taongbayan at lahat ng mga botante ang lalahok.

Iginiit ni Lacson, hindi siya nababahala o natatakot sa lumalabas na resulta ng survey dahil ang mas mahalaga sa kanya ay maipaabot sa taongbayan ang plataporma de gobyerno ng tambalang Lacson-Sotto.

Ipinunto ni Lacson, ang naturang survey ay ibang-iba kapag nakahahalubilo at nakakausap niya ang mga mamamayan.

“I’m not bothered at all simply because the numbers, I feel on the ground are different from what surveys indicate,” ani Lacson.

Naniniwala si Lacson, sapat na ang kanyang mga sinabi at mga sinagot na tanong sa mga nilahukan niyang mga forum at presidential debates para makilala siya nang lubusan ng taong bayan.

Ngunit sinabi ni Lacson, walang makahahadlang upang hindi siya magpatuloy sa pangangampanya at mag-ikot at kausapin ang mga mamamayan at botante hanggang sa pagsapit mismo ng halalan.

Binigyang-linaw ni Lacson na hindi niya kinukuwestiyon ang kredibilidad ng bawat survey ngunit hindi naman aniya ito kumakatawan sa mismong mayoryang botante ng ating bansa. (NIÑO ACLAN)

About Niño Aclan

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …