Friday , May 27 2022
AKSYON AGAD ni Almar Danguilan
AKSYON AGAD ni Almar Danguilan

Puwersa sa sea territory, palalakasin ni Robredo para sa seguridad ng bansa

AKSYON AGAD
ni Almar Danguilan

IYAN ang dapat! Bakit? Nasaksihan naman natin kung paanong pagtangkaang sakupin ng bansang Tsina ang mga teritoryo natin sa karagatan.

In fairness naman sa kasalukuyang gobyerno, inaksiyonan o inaaksiyonan naman nila ang mga pangha-harass pero, tila tinatawanan lang ito ng ‘mananakop.’

Pinagtatawanan at binabalewala dahil paulit-ulit pa rin nilang ginagawa ang tangkang ‘pananakop’ at pangha-harass sa kabila na may mga nagbabantay sa karagatan.

Katunayan, tinatarantado pa nila ang mga kababayan nating mangingisda. Nangyayari ang lahat o madaling makapasok sa teritoryo natin dahil bukod sa mahina ang puwersa ng pagbabantay sa karagatan, ang Palasyo mismo ay masyadong ‘pusong mamon’ sa mga ginagawa ng mga sundalong pangkaragatan ng Tsina.

Kung susuriin ang mga pangyayari lalo ang pang-aapi sa mga mangingisda ang isa sa umantig kay Robredo para palakasin ang puwersa natin sa karagatan hndi lang para sa mga mangingisda natin kung hindi para sa seguriad ng bansa.

Once elected ‘ika ni Robredo… “I will turn the Philippines into a ‘maritime power’ to ensure the security of the country’s seas and assert sovereignty over the territories.

“There will be a shift from a land-centric Armed Forces of the Philippines into a maritime power or at least a modicum of a maritime nation,” pahayag ni Rear Admiral Rommel Ong, dating vice commander ng Philippine Navy.

Aba’y napapaligiran o dumarami na rin pala ang magagaling na security expert na nagtitiwala sa kakayahan ni Robrero na mamuno — mga dating heneral o opisyal sa AFP at PNP at Rear Admiral ng PN na tutulong sa kanya para sa seguridad ng bansa.  

“The ‘shift’ from a ‘land-centric’ into a ‘maritime-oriented’ AFP is one of the major reforms that the next commander-in-chief will focus on,” ayon kay Ong. Siya ay kabilang sa security team ni Robredo.

“Gusto niyang ang Filipinas ay maging maritime power,” ani Ong sa isang online forum ng grupong 1Sambayan.

“Kaakibat po dito ay ang pagbabago ng pananaw o pag-iisip kung paano natin huhubugin ang sandatahang lakas,” dagdag ng dating lider ng PN.

Puwersa sa karagatan ang isa sa prayoridad ni Robredo dahil kapuna-puna na masyadong nakapokus ang Armed Forces sa pagbabantay sa kalupaan ng bansa kung saan lumalabas na hindi masyadong pinagtutuunan ng pansin ang teritoryo natin sa karagatan, pahayag ni Ong.

“Ang epekto po niyan ay ang appreciation natin sa West Philippine Sea bilang isang security problem … medyo kulang,” ani Ong.

“Right now po masyadong land-centric o naka-focus sa lupa. Ito po ay disconnected sa situation natin na tayo po ay isang archipelago, isang bansa na maraming isla at malawak ang dagat na kailangang protektahan,” dagdag ni Ong.

Isa rin sa prayoridad ni Robredo at ng kanyang security team ang advancement para sa “support industries” at  “support knowledge”  para sa merchant marine fleet ng bansa.

Noong 2019,  inamin ng Defense department na kulang ang puwersa ng bansa para harapin ang mga ‘kalaban’ nagtatangkang manggulo o manakop sa mga teritoryo natin sa karagatan.

“While the modernization of the Armed Forces will continue, the country will have to engage in arms race,” pahayag ni dating Philippine Navy officer at dating Senador Anotonio Trillanes.

Pero ani Trillanes, ang pagkakaroon ng mga bagong kagamitan at armas ay depende sa pondo ng bansa at kung kaya natin ang presyo nito.

“That’s why we need a commander-in-chief who understands the economy,” ani Trillanes kasabay ng pagsasabing handang pamunuan ni Robredo.

Tama si Madame VP Leni, kinakailangan talagang palakasin ang puwersa natin sa mga teritoryo natin sa karagatan — maritime power is what we need. Palakasin ang puwersa ng coast guard o ang Philippine Navy natin… at mangyayari lang iyan sa todo-todong suporta ng Palasyo. At kung suporta lang naman ang pag-uusapan, makatitiyak ang mga sundalo natin sa karagatan na ibibigay ito ni Robredo.

About Almar Danguilan

Check Also

PROMDI ni Fernan AngelesI

Murang kuryente, langis possible kahit hindi ibasura tax measures

PROMDIni Fernan Angeles KUNG gusto may paraan. Ito ang diin ni Energy Undersecretary Benito Ranque …

Krystall Herbal FGO Fely Guy Ong

Stiff neck tanggal agad sa machine therapy at Krystall products

Dear Sis Fely, Magandang araw po sa inyo Sis Soly Guy Lee at Sis Fely …

AKSYON AGAD ni Almar Danguilan

Leadership ni QC Jail Warden Supt. Bonto, sinasabotahe

AKSYON AGADni Almar Danguilan Malalamang na desperado-desperado ngayon ang “mastermind” sa layuning mapalitan si Quezon …

PROMDI ni Fernan AngelesI

Ambisyong maging DOE Secretary ni Devanadera, napurnada pa yata

PROMDIni Fernan Angeles SA GITNA NG KRISIS sa enerhiya, higit na angkop para sa Department …

USAPING BAYAN ni Nelson Flores

Tambak na wiped out pa

USAPING BAYANRev. Fr. Nelson Flores, MSCK, JD. TAPOS na ang halalan pero hanggang ngayon ay …