Friday , May 27 2022
Malabon City
Malabon City

Sangkot sa riot sa Malabon
3 KABATAAN NASAGIP

NAILIGTAS ng mga awtoridad ang tatlong menor de edad na sinabing sangkot sa naganap na riot sa Malabon City, kamakalawa ng hapon.

Ayon kay Malabon city police chief, Col. Albert Barot, inilipat sa pangangalaga ng City Social Welfare and Development Office (CSWDO), para sa counseling at proper disposition ang nailigtas na kabataang lalaki, edad 10 hanggang 13 anyos.

Dakong 3:30 pm nang magsagawa ang mga tauhan ng Malabon Police Sub-Station 5 sa pamumuno ni P/Lt. Mark Xyrus Santos ng routine patrol sa C4 Road, Brgy. Longos na nagresulta sa pagkaka-rescue sa tatlong menor de edad.

Nabatid, kamakailan ay nagmistulang ‘war zone’ ang isang kalye sa Brgy. Longos nang magbatuhan ng Molotov bomb ang dalawang grupo ng kabataan matapos magkahamunan sa group chat at nauwi sa riot.

Kitang-kita sa CCTV camera ng Barangay Longos ang dalawang grupo ng kabataan na may bitbit na bote ng Molotov saka nagpalitan ng bato bago mabilis na nagtakbohan.

Makikita rin ang isang bata na may bitbit pang patalim habang mabilis na nagresponde sa lugar ang mga barangay tanod na muntik pang tamaan ng ibinatong bote ng Molotov.

Ayon kay P/Lt. Santos, lagi silang nagpapatrolya sa naturang lugar ngunit tumitiyempo raw ang mga kabataan kapag walang nagbabantay. (ROMMEL SALES)

About Rommel Sales

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …