Friday , May 27 2022
AKSYON AGAD ni Almar Danguilan
AKSYON AGAD ni Almar Danguilan

Pakipagsabwatan ni VP Leni sa komunista, fake news – Ret. AFP/PNP Generals

AKSYON AGAD
ni Almar Danguilan

FAKE NEWS! Ang alin? Ang ibinabato laban kay presidential aspirant (Vice President) Leni Robredo.

Ibinabato kay Robredo ng kanyang mga katunggali, na siya ay nakikipag-ugnayan o nakikipagsabwatan daw sa kalaban ng gobyerno – ang komunista/terorista si Robredo. Ano!? Bise o isang lider ng bansa makikipagsabwatan?

Hindi kaya dahil eleksiyon na kaya kung ano-anong fake news ang lumalabas? At hindi kaya dahil sa patuloy na lumolobo ang suporta kay VP sa pagkapangulo ng bansa kaya binabato ang ale ng kung ano-ano. What a desperate move ha!

Kamakailan lang, nagpahayag ng buong pagsuporta kay Robredo ang ilang retiradong heneral mula sa Armed Forces of the Philippines (AFP) at Philippine National Police (PNP).

Heto nga, kinondena ng mga heneral ang pilit na pag-uugnay kay Robredo sa grupo ng komunista o terorista. Kung baga, ang punto ng mga heneral ay walang katotohanan ang akusasyon kay Robredo. Yes, fake news ang ibig nilang sabihin.

Fake news, sa termino ng mga mamamahayag ay ‘koryente.’

“Judging by reports, I wouldn’t be surprised if there is already a battalion of former military and police colonels and generals that has gone proudly pink,” pahayag ni dating Senator Antonio Trillanes.

Oo, hindi kayo nagkakamali sa inyong nabalitaan – heto hindi fake news ha. Nakipagpulong kamakailan si Robredo sa ilang dating heneral ng AFP at PNP kung saan nga ay nagpahayag sila ng buong suporta kay Robredo.

Nakipagkita si Robredo sa mga heneral, ilang araw ang nakalipas matapos kondenahin ng libo-libong suporter ni Robredo ang isang politician na pilit ‘pinturahan’ ng kulay pula ang malabaybaying kulay pink na supporter ni Robredo na sumipot sa rally ng Bise kamakailan.

“Former AFP and PNP chiefs, all anti-insurgency veterans, have come out for Leni, and their support belies the fake news peddled by conspiracy theorists,” pahayag ni Trillanes, tumatakbo sa pagka-senator sa ilalim ng grupo ni Robredo.

“Kung naniniwala sila sa black propaganda laban kay Leni, hindi sila pipirma ng manifesto, hindi sila mangangampanya para kay Leni,” dagdag ng dating Senator.

Sa isang media briefing nitong Lunes, kinomprima nina retired Police Maj. Gen. Generoso Cerbo, Jr., at retired Armed Forces Maj. Gen. Domingo Tutaan na maraming bilang ng mga retiradong AFP at PNP chiefs of staff at senior officers ang nagpahayag ng suporta kay Robredo.

“We support Robredo because of her “moral strength” and “integrity, and that the vice president has “the program of action… that would address the various things regarding national defense and security,” pahayag ng dalawang heneral.

Ayon kay Gen. Cerbo, ang kasabihan ni Robredo “Sa gobyernong matapat, angat buhay ang lahat” ay hindi lang isang slogan kung hindi, talagang nadarama ng publiko sa araw-araw nilang pamumuhay.

‘Ika nga ni Trillanes, kung may kaunti pang pagdududa ang mga kritiko ni Robredo sa kakahayan nitong mamuno bilang presidente ng bansa, hindi ipupusta ng mga heneral ang kanilang pinaghirapang reputasyon.

“The retired generals will not put their hard-won reputation on the line by saying that the vice president is ready to step up as commander-in-chief,” pahayag ni Trillanes.

Bago ang pakipagpulong ni Robredo nitong 7 Marso kina Cerbo at Tutaan, nauna nang nagpahayag ng kanilang suporta kay Robredo sina retired military chiefs of staff — Emmanuel Bautista, Jessie Dellosa, Hernando Iriberri, at Eduardo Oban, Jr.

About Almar Danguilan

Check Also

PROMDI ni Fernan AngelesI

Ambisyong maging DOE Secretary ni Devanadera, napurnada pa yata

PROMDIni Fernan Angeles SA GITNA NG KRISIS sa enerhiya, higit na angkop para sa Department …

USAPING BAYAN ni Nelson Flores

Tambak na wiped out pa

USAPING BAYANRev. Fr. Nelson Flores, MSCK, JD. TAPOS na ang halalan pero hanggang ngayon ay …

Dragon Lady Amor Virata

Barangay elections posibleng mabinbin

Isumbong mokay DRAGON LADYni Amor Virata SA LAKI NG UTANG ng ating bansa, nadagdagan pa …

FIRING LINE ni Robert B. Roque, Jr.

Para nga ba sa atin ang cancel culture?

FIRING LINEni Robert B. Roque, Jr. UMABOT na ang cancel culture sa ating modernong kamalayan …

PROMDI ni Fernan AngelesI

Moro-morong tigil operasyon ng e-Sabong

PROMDIni Fernan Angeles SA KUMPAS ng Pangulong Rodrigo Duterte, ang kontrobersiyal na e-sabong kanyang ipinahinto, …