Thursday , May 26 2022
Lopez Quezon

Konsehal sa Lopez Quezon, nahaharap sa mga kasong paglabag sa “Bayanihan Act”

MULING nasasangkot sa panibagong kaso si Lopez, Quezon councilor Arkie Yulde dahil sa paglabag sa mga probisyong nakasaad sa Republic Act No. 11469, o mas kilala bilang “Bayanihan To Heal As One Act.”

Ito’y matapos maghain ng reklamo sa Office of the Ombudsman si Isaias Bitoin Ubana II, at inilahad ang mga pagkakataong inilagay ni Yulde sa delikadong sitwasyon ang mamamayan ng Quezon sa gitna ng pagkalat ng CoVid-19 noong buwan ng Mayo 2020.

Panimula ng nagreklamo, nag-post si Yulde ng isang flowchart at tinawag itong “guidelines on the implementation of community quarantine” sa kaniyang Facebook page.

Batay sa reklamo, hindi ito ang opisyal na guidelines mula sa Inter-Agency Task Force on the Management of the Infectious Diseases (IATF-EID) na siyang tanging gumagawa ng pag-aaral at mga rekomendasyon ng pamahalaan tungkol sa CoVid-19.
Dagdag nito, tadtad ng technical errors at maling impormasyon ang nasabing flowchart dahil hindi naman miyembro si Yulde ng IATF sa nasabing lugar, at dahil sa maling impormasyon, nagresulta ito sa pagkalito ng mga residente.

Sa pangalawang pagkakataon, muling nilabag ni Yulde ang batas, dahil hindi ito dumaan sa tamang proseso sa pagsasagawa ng relief goods distribution.

Ayon sa batas, hindi pinapayagan ang pagsasagawa ng relief goods distribution na walang kaukulang permit at koordinasyon, ito ay para masiguro na ligtas itong ipinapatupad batay sa mandatory health protocols na inilatag ng IATF.

Sa ginawang relief goods operations sa iba’t ibang barangay ng Lopez, makikita sa ilang larawang inilabas sa Facebook page nito, walang suot na facemasks — isa namang mariing paglabag sa RA 11469 at sa Municipal Ordinance 2020-04 (annex ‘n’) na binuo ng Sangguniang Bayan ng Lopez, na miyembro ang nasabing konsehal.

Dahil umano sa garapalang paglabag sa batas, makailang beses inilagay sa panganib ang mamamayan ng Lopez mula sa CoVid-19.

Si Yulde ay tumatakbo bilang alkalde sa bayan ng Lopez, sa ilalim ng LAKAS-CMD, na pinamumunuan ni gobernador Danilo Suarez bilang co-chair ng partido.

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …