Sunday , May 29 2022
James Blanco Ina Alegre

James naging acting coach ni Mayor Ina

MA at PA
ni Rommel Placente

NAIMBITAHAN kami sa advance screening ng pelikulang 40 Days na pinagbibidahan ng mayor ng Pola, Oriental Mindoro na si Ina Alegre noong February 27. Mula ito sa direksiyon ni Neil Tan. Ang advance screening ay ginanap mismo sa nasabing lalawigan. 

Bukod kay Mayora Ina, present din sa advance screening ang dalawa sa cast ng pelikula na sina Cataleya Surio at James Blanco. Siyempre pa, hindi rin nawala roon si Direk Neil.

Kaya 40 Days ang title ng pelikula, dahil ito ang bilang ng araw na nilakad ni Mayor Ina ang Pola mula sa Manila. Kinapos kasi siya sa pamasahe, na bigay ng kanyang mga amo na sina Michelle Vito at James pauwi sa probinsiya. Binili pa kasi niya ng stuff toy ang kanyang anak bilang pasalubong.

Sa tanong kay Mayor Ina kung ano ang challenges na kinaharap niya while shooting the film, ang sabi niya, “Una, bago kong pelikula ito, na ako na ang bida. Sobrang hindi ko alam kung anong magiging outcome. Siyempre iniisip natin kailangan magustuhan ni Direk ‘yung acting ko. Siyempre si Direk muna ‘yung iniisip ko.Tama ba ‘yung acting ko? Nandito pa ba ako sa showbiz? Paano ko sila dadalhin  ‘yung manonood sa character na mayroon ako? Sobrang hirap.

“Kasi sobrang tagal kong hindi gumawa ng pelikula. Kaya medyo nahihirapan ako sa pag-arte. ‘Though nandiyan naman si  James na laging nakaalalay sa akin, na kino-coach ako (sa pag-arte). As in, tapos na  ‘yung shooting niya, nandoon pa rin siya kung nasaan ako. Kasi tinutulungan niya ako. Sobrang supportive niya at si Direk, obrang supportive rin.”

Sinegundahan naman ni Direk Neil si Mayora Ina sa sinabi nito tungkol kay James.  Sabi niya, “Malaking tulong talaga si James sa pelikula. Kasi nga,  hindi niya kami binitawan. Nandoon pa rin siya, nag-a-acting coach kay Mayora. Actually, mayroon pa nga siyang idinireheng scene. Yung last scene namin, siya ang nagdirehe niyon. Kaya sobrang thankful ako kay James.”

About Rommel Placente

Check Also

Baron Geisler Pusoy

Baron nahiya sa 7 daring scenes sa Pusoy; Kung kailan nag-40 at saka naghubad

SHOWBIZ KONEKni Maricris Valdez Nicasio PITONG sexy scenes ang sinalangan ni Baron Geisler sa Pusoy ng Vivamax na mapapanood na simula …

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …