Wednesday , July 17 2024
Philippine Air force QC Car accident

3 airforce, 1 sugatan sa nasunog na kotse

PATAY ang tatlong miyembro ng Philippine Air force (PAF) habang sugatan ang isa pa matapos araruhin ang anim na concrete barrier at masunog ang kanilang sinasakyang kotse kahapon ng madaling araw sa lungsod ng Quezon.

Sa ulat kay Quezon City Police (QCPD) Director, P/BGen. Remus Medina ni District Traffic Enforcement Unit chief, P/Lt. Col. Cipriano Galanida, ang mga namatay na sina Airman 1st Class Angelo Sabado, Airman 1st Class Aaron Tabarle, at Airman 1st Class Kyle Justine Velasco habang sugatan si Airman 2nd Class Manuel Ognes, 27 anyos, pawang stay-in sa barracks ng Villamor Air Base sa Pasay City.

Sa imbestigasyon ni P/Cpl. Reggie Arevalo, dakong 1:58 am nang maganap ang insidente sa EDSA south bound corner North Road, Barangay Lipunan Crame QC.

Sakay ang mga biktima ng kotseng Honda City, may plakang NDR 7213, habang minamaneho ni Ognes pabalik ng Villamor Airbase at binabagtas ang EDSA galing sa QC.

Pagdating sa P. Tuazon patungong Ortigas Avenue, nawalan ng kontrol ang kotse at inararo ang anim na concrete barrier sa EDSA.

Makaraan, nagliyab ang sasakyan kung saan kasamang nasunog ang tatlong biktima habang si Ognes na naipit sa kotse ay nagawa pa rin makalabas.

Ang tatlo ay namatay noon din sa loob ng nasusunog na kotse.

Inaalam pa kung ano ang dahilan ng pagkawala ng kontrol ng sasakyan.

Bagamat, pinigil si Ognes sa himpilan ng Traffic Sector 4 at nakatakdang kasuhan ng Reckless Imprudence Resulting in multiple homicide at damage to property. (ALMAR DANGUILAN)

About Almar Danguilan

Check Also

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

21 Mobile Primary Clinic ipinagkaloob ikinalat sa Gitna at Hilagang Luzon

21 Mobile Primary Clinic ipinagkaloob ikinalat sa Gitna at Hilagang Luzon

IPINADALA ni Pangulong Ferdinand Marcos, Jr., sa pamamagitan ni First Lady Liza Araneta-Marcos ang 21 …

Sa Bataan LOLONG TULAK, 2 GALAMAY TIKLO SA BUYBUST

Sa Bataan
LOLONG TULAK, 2 GALAMAY TIKLO SA BUYBUST

NADAKIP ang isang senior citizen na sangkot sa ilegal na droga at dalawa niyang kasabwat …

Sa Bulacan 7 SUSPEK SA DROGA, 2 KAWATAN TIMBOG

Sa Bulacan
7 SUSPEK SA DROGA, 2 KAWATAN TIMBOG

ARESTADO ang pitong indibidwal na pinaghihinalaang pawang mga sangkot sa pagtutulak ng ilegal na droga, …

shabu drug arrest

Sa crackdown ng PRO3  
4 DAYUHAN, 1 TULAK NASAKOTE SA DROGA

NASUKOL ng mga awtoridad ang limang hinihinalang tulak ng ilegal na droga na kinabibilangan ng …